ആലപ്പുഴ:ചക്കുളത്തുകാവ് ക്ഷേത്രട്രസ്റ്റും ജില്ലാശുചിത്വമിഷനുമായി ചേർന്ന് ഇത്തവണയും ഹരിത പെരുമാറ്റച്ചട്ടം പാലിച്ചു കൊണ്ടാണ് പൊങ്കാല നടത്തുകയെന്ന് ശുചിത്വ മിഷൻ ജില്ലാ കോ ഓഡിനേറ്റർ അറിയിച്ചു.

പ്ലാസ്റ്റിക് വസ്തുക്കൾ പൂർണമായും ഒഴിവാക്കും. മാലിന്യങ്ങൾ തരംതിരിച്ച് ശേഖരിച്ച്, സംസ്‌കരിക്കും.

പൊങ്കാലയ്‌ക്കെത്തുന്നവർ പ്ലാസ്റ്റിക് കിറ്റുകൾ, കുപ്പിവെളളം, ഡിസ്‌പോസിബിൾ വസ്തുക്കൾ എന്നിവ കൊണ്ടുവരുന്നത് പൂർണമായും ഒഴിവാക്കണം. പൊങ്കാലയിടുന്നവർ ജൈവ-അജൈവ മാലിന്യങ്ങൾ തരംതിരിച്ച് പ്രത്യേകം തയ്യാറാക്കിയിരിക്കുന്ന ബിന്നുകളിൽ തന്നെ നിക്ഷേപിക്കണം.
കുടിവെളള വിതരണത്തിനായി പ്രകൃതി സൗഹൃദ തണ്ണീർപ്പന്തലുകൾ നിശ്ചിത അകലത്തിൽ ഉണ്ടായിരിക്കും. പൊങ്കാലയ്ക്കുശേഷം ഇഷ്ടിക, ചാരം, മറ്റ് മാലിന്യങ്ങൾ എന്നിവ അന്നേദിവസം തന്നെ ശേഖരിച്ച് മാറ്റുന്നതിനുളള ഒരുക്കങ്ങളും പൂർത്തിയായി. പൊങ്കാലയുടെ സുഗമമായ നടത്തിപ്പിന് സന്നദ്ധ സേവകർ നിർദ്ദേശങ്ങൾ പാലിക്കണമെന്നും ശുചിത്വ മിഷൻ കോ-ഓഡിനേറ്റർ അറിയിച്ചു..