വൈക്കം: ചെമ്മനത്ത് ശ്രീകൃഷ്ണസ്വാമി ക്ഷേത്രത്തിൽ അഖില ഭാരത ഭാഗവത സത്രത്തിന്റെ പന്തൽ നിർമ്മാണം പുരോഗമിക്കുന്നു. ഒരു ലക്ഷം ചതുരശ്ര അടി വിസ്തീർണമുള്ളതാണ് സത്രവേദി. ഗുരുവായൂരിൽ നിന്ന് ചൈതന്യ രഥഘോഷയാത്രയായി കൊണ്ടുവരുന്ന ശ്രീകൃഷ്ണ വിഗ്രഹം പ്രതിഷ്ഠിക്കുന്നതിനുളള ക്ഷേത്രം,യജ്ഞവേദി, കലാമണ്ഡപം എന്നിവ സത്രവേദിയിൽ ഉണ്ടാവും.

8000 പേർക്ക് വേദിയിൽ ഇരിപ്പിടം ഒരുക്കിയിട്ടുണ്ട്. സത്രദിവസങ്ങളിൽ ഏകദേശം ഇരുത്തയ്യായിരത്തോളം പേർക്കാണ് പ്രതിദിനം ഭക്ഷണം ഒരുക്കുന്നത്. ഒരു സമയം അയ്യായിരം പേർക്ക് ഭക്ഷണം കഴിക്കാവുന്ന രീതിയിലാണ് ഭക്ഷണശാല തയ്യാറാക്കിയിരിക്കുന്നത്.
സത്രത്തിന് മന്നോടിയായി 11 ന് രാവിലെ 5 ന് മഹാഗണപതി ഹോമവും 9 ന് നാരായണീയ സംഗമവും നടക്കും. വൈക്കം ക്ഷേത്രം മേൽശാന്തി തരണി ഡി.നാരായണൻ നമ്പൂതിരി നാരായണീയ സംഗമത്തിന് ദീപം തെളിയിക്കും. തുടർന്ന് 11 ന് കലവറ നിറയ്ക്കൽ ചടങ്ങ് ഗോകുലം ഗ്രൂപ്പ് ചെയർമാൻ ഗോകുലം ഗോപാലനും സത്രത്തിന്റെ അടുക്കളയിൽ പാലുകാച്ചൽ വൈക്കം മുട്ടസ് മന ശ്രീകുമാറും നിർവ്വഹിക്കും.