ആലപ്പുഴ: ദേശീയ നിയമ സേവഅതോറിറ്റിയുടെ നിർദ്ദേശാനുസരണം ജില്ലാ നിയമ സേവന അതോറിറ്റി ജില്ലയിലെ കോടതികൾ കേന്ദ്രികരിച്ച് 14ന് ദേശീയ ലോക് അദാലത്ത് നടത്തും. നിലവിൽ കോടതികളുടെ പരിഗണയിലിരിക്കുന്നതും ഒത്തുതീർപ്പാക്കാവുന്നതുമായ കേസുകൾ, വാഹനാപകട നഷ്ടപരിഹാര കേസുകൾ, ബാങ്കുകൾ സമർപ്പിച്ച, വായ്പ കുടിശിക സംബന്ധിച്ച കേസുകൾ, കെ.എസ്.ഇ.ബി, വാട്ടർ അതോറിറ്റി, ബി.എസ്.എൻ.എൽ, സ്വകാര്യ മൊബൈൽ കമ്പനികൾ, തൊഴിൽ വകുപ്പ് എന്നിവർ സമർപ്പിച്ച കേസുകൾ, രജിസട്രേഷൻ വകുപ്പ് സമർപ്പച്ച അണ്ടർ വാല്യൂവേഷൻ സംമ്പബന്ധിച്ച കേസുകൾ എന്നിവ ലോക് അദാലത്തിൽ പരിഗണിക്കം.