ആലപ്പുഴ:ജില്ലയിലെ അരൂക്കു​റ്റി ഗ്രാമപഞ്ചായത്തിലെ 11 ഹൈസ്‌കൂൾ വാർഡ്, പുളിങ്കുന്ന് ഗ്രാമപഞ്ചായത്തിലെ 16 ചതുർത്ഥ്യാകരി വാർഡ്, പത്തിയൂർ ഗ്രാമപഞ്ചായത്തിലെ 17 കരുവാ​റ്റുുംകുഴി വാർഡ്, ദേവികുളങ്ങര ഗ്രാമപഞ്ചായത്തിലെ 12 കുമ്പിളിശ്ശേരി വാർഡ് എന്നിവിടങ്ങളിൽ 17 ന് ഉപതിരഞ്ഞെടുപ്പ് നടക്കുന്നതിനാൽ മണ്ഡലങ്ങളുടെ (വാർഡുകളുടെ) പരിധിയിൽ വരുന്ന വോട്ടെടുപ്പ് കേന്ദ്രങ്ങൾ പ്രവർത്തിക്കുന്ന സ്ഥാപനങ്ങൾക്ക്16,17 തീയതികളിലും വാർഡുകളിൽപ്പെടുന്ന വിദ്യാഭ്യാസ സ്ഥാപനങ്ങൾക്കും സർക്കാർ ഓഫീസുകൾക്കും 17നും വോട്ടെണ്ണൽ കേന്ദ്രങ്ങളായ അരൂക്കു​റ്റി , പുളിങ്കുന്ന് , പത്തിയൂർ , ദേവികുളങ്ങര ഗ്രാമപഞ്ചായത്ത് ഓഫീസുകൾക്ക് 18 ന് ഉച്ചവരെയും അവധി പ്രഖ്യാപിച്ചു.

 മദ്യനിരോധനം

ഈ പ്രദേശങ്ങളിൽ 15ന് വൈകിട്ട് 5 മുതൽ വോട്ടെടുപ്പ് അവസാനിക്കുന്ന 17ന് വൈകിട്ട് 5 വരെയും വോട്ടെണ്ണൽദിനമായ 18നും ഡ്രൈ ഡേ ആയിരിക്കുമെന്ന് ജില്ലാ കളക്ടർ അറിയിച്ചു. ഇവിടങ്ങളിലെ മദ്യശാലകൾ 15 വൈകിട്ട് അഞ്ച് മുതൽ 17 വൈകിട്ട് അഞ്ച് വരെ അടച്ചിടും. വോട്ടെണ്ണൽ കേന്ദ്രങ്ങളായ അരൂക്കു​റ്റി ,പുളിങ്കുന്ന് ,പത്തിയൂർ, ദേവികുളങ്ങര ഗ്രാമപഞ്ചായത്ത് ഓഫീസുകളുടെ രണ്ടുകിലോമീ​റ്റർ ചു​റ്റളവിലുള്ള മദ്യശാലകൾ 18നും അടച്ചിടും.