ചേർത്തല: മുട്ടം സെന്റ് മേരീസ് ഫൊറോന പള്ളിയിൽ അണക്കര മരിയൻ ധ്യാനകേന്ദ്രത്തിന്റെ ആഭിമുഖ്യത്തിൽ നടക്കുന്ന കൃപാഭിഷേകം ബൈബിൾ കൺവൻഷൻ നാളെ സമാപിക്കും.ഹോളി ഫാമിലി ഹയർ സെക്കൻഡറി സ്‌കൂൾ മൈതാനിയിൽ വൈകിട്ട് 3.30 മുതൽ രാത്രി പത്ത് വരെയാണ് കൺവൻഷൻ. ഇന്ന് വൈകിട്ട് 4ന് തങ്കി സെന്റ് മേരീസ് ഫൊറോന വികാരി ഫാ.തോമസ് പനയ്ക്കൽ ദിവ്യബലി അർപ്പിക്കും. നാളെ വൈകിട്ട് 4ന് നടക്കുന്ന ദിവ്യബലിയിൽ ഫാ. ഡൊമിനിക് വാളമ്മനാൽ കാർമികത്വം വഹിക്കും.