ഹരിപ്പാട്: എസ്.എൻ.ഡി.പി യോഗം കാർത്തികപ്പള്ളി യൂണിയന്റെ ആഭിമുഖ്യത്തിലുള്ള എട്ടാമത് ശിവഗിരി തീർത്ഥാടന പദയാത്ര ഇന്ന് രാവിലെ 8ന് പല്ലന കുമാരകോടിയിൽ നിന്ന് ആരംഭിക്കും. യൂണിയൻ പ്രസിഡന്റ് കെ.അശോകപ്പണിക്കർ ഉദ്ഘാടനം ചെയ്യും. വൈസ് പ്രസിഡന്റ് എം.സോമൻ അദ്ധ്യക്ഷനാകും. യൂണിയൻ സെക്രട്ടറി അഡ്വ.ആർ.രാജേഷ് ചന്ദ്രൻ പദയാത്ര ക്യാപ്റ്റനും യൂണിയൻ കൗൺസിൽ അംഗങ്ങളായ ടി​.മുരളി വൈസ് ക്യാപ്റ്റനും ഡി.ഷിബു സഹ ക്യാപ്റ്റനുമാണ്. ചേപ്പാട് യൂണിയൻ സെക്രട്ടറി എൻ.അശോകൻ, കായംകുളം യൂണിയൻ സെക്രട്ടറി പ്രദീപ് ലാൽ, ചവറ യൂണിയൻ സെക്രട്ടറി കാരയിൽ അനീഷ്, യോഗം ഇൻസ്പെക്ടിംഗ്‌ ഓഫീസർ സി.സുഭാഷ്, യോഗം ഡയറക്ടർമാരായ പ്രൊഫ.സി.എം.ലോഹിതൻ, ഡോ.ബി.സുരേഷ് കുമാർ, യൂണിയൻ കൗൺസിൽ അംഗങ്ങളായ പൂപ്പള്ളി മുരളി, പി.ശ്രീധരൻ, ടി​.മുരളി, പി.എസ്.അശോക് കുമാർ, ദിനു വാലുപറമ്പിൽ, ഡി.ഷിബു, കെ.സുധീർ, യൂണിയൻ പഞ്ചായത്തംഗങ്ങളായ വി.മുരളീധരൻ, ഡി.സജി, വി.അനുജൻ, വനിതാ സംഘം യൂണിയൻ സെക്രട്ടറി ലേഖ മനോജ്, കെ.കെ ചന്ദ്രൻ, കുമാരകോടി ബാലൻ എന്നിവർ സംസാരിക്കും. ജാഥാ ക്യാപ്റ്റൻ യൂണിയൻ സെക്രട്ടറി അഡ്വ.ആർ.രാജേഷ് ചന്ദ്രൻ സ്വാഗതവും വൈസ് ക്യാപ്റ്റൻ ടി.മുരളി നന്ദിയും പറയും.