കുട്ട​നാട് : പത്രവിതരണത്തിനിടെ കാവാലം പെരു​മ്പ​ള്ളി​ച്ചിറയിൽ ഷിബുവിനെ (51) തെരുവുനായ കടിച്ചു. ഇന്നലെ പുലർച്ചെ 6ന് കാവാലം എൻ.എസ്.എസ്‌ ഹൈസ്‌കൂ​ളിന് സമീപം കേരളകൗമുദി പത്രക്കെട്ടുമായി നടന്നു പോകുന്നതിനിടെയായിരുന്നു സംഭവം. കാലിന് കടി​യേറ്റ ഷിബു​ ചങ്ങ​നാശേരി താലൂക്ക് ആശു​പ​ത്രി​യിൽ ചികി​ത്സ​തേ​ടി.

പഞ്ചാ​യ​ത്തിന്റെ വിവിധ വാർഡു​ക​ളിലായി അലഞ്ഞുതിരിഞ്ഞു നട​ക്കുന്ന നായ്ക്ക​ളുടെ ശല്യംകാരണം നാട്ടു​കാർക്ക് രാത്രിയിലോ പുലർച്ചെയോ യാത്ര സാദ്ധ്യമല്ലാത്ത അവസ്ഥയാണെന്ന് നാട്ടുകാർ ആരോപിക്കുന്നു.