ഹരിപ്പാട്: വിദേശത്ത് ജോലിയുള്ള ഭർത്താവിനെയും ആറു വയസുകാരിയായ മകളെയും ഉപേക്ഷിച്ചു കാമുകനൊപ്പം പോയ യുവതി റിമാൻഡിൽ. കാർത്തികപ്പള്ളി മഹാദേവികാട് സ്വദേശിനി ചന്ദ്രാലയത്തിൽ അശ്വതിയെ (30)ആണ് ജുവനൈൽ ജസ്റ്റിസ് ആക്ട് പ്രകാരം തൃക്കുന്നപ്പുഴ പൊലീസ് അറസ്റ്റ് ചെയ്തത്. കഴിഞ്ഞ ഒക്ടോബർ 31നാണ് അശ്വതി തൃക്കുന്നപ്പുഴ എസ്.എൻ നഗർ സ്വദേശി മനുവിനൊപ്പം പോയത്. ഇതറിഞ്ഞ് ഭർത്താവ് നാട്ടിലെത്തി പൊലീസിൽ പരാതി നൽകുകയായിരുന്നു. സ്വകാര്യ ലാബിൽ ടെക്‌നിഷ്യനായി ജോലി ചെയ്തു വരുകയായിരുന്നു അശ്വതി . മനു ഒളിവിലാണെന്ന് പൊലീസ് പറഞ്ഞു.