മാരാരിക്കുളം: ഓട്ടോ മറിഞ്ഞു പരിക്കേ​റ്റ് ചികിത്സയിലായിരുന്ന ഓട്ടോ ഡ്രൈവർ മരിച്ചു. മണ്ണഞ്ചേരി പഞ്ചായത്ത് ഇരുപതാം വാർഡ് കാവുങ്കൽ കുന്നങ്കേൽ മുരുകപ്പൻ(ഷൺമുഖൻ-47) ആണ് മരിച്ചത്. കഴിഞ്ഞ 17ന് വൈകിട്ട് 4ന് പുന്നമട തോട്ടാത്തോട് തോട്ടിലേക്ക് ഓട്ടോ മറിഞ്ഞാണ് അപകടം. വീട്ടിലേയ്ക്ക് വരുമ്പോൾ മ​റ്റൊരു വണ്ടിയ്ക്ക് സൈഡ് കൊടുക്കുന്നതിനിടെ ഷൺമുഖൻ ഓടിച്ചിരുന്ന ഓട്ടോ തോട്ടിലേക്ക് മറിയുകയായിരുന്നു. വള്ളത്തിൽപ്പോയവരാണ് ഷൺമുഖനെ കരക്കെത്തിച്ചത്. മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ ഇന്നലെ പുലർച്ചെയാണ് മരിച്ചു. ഭാര്യ: രാജമഞ്ജു.മക്കൾ:മിഥില (നഴ്‌സറി അദ്ധ്യാപിക കാവുങ്കൽ പഞ്ചായത്ത് എൽ.പി.സ്‌കൂൾ), മിഥുൻ.