ആലപ്പുഴ : 2018 ലെ മഹാപ്രളയത്തിൽ ദുരിതമനുഭവിച്ച ജില്ലയിലെ തദ്ദേശ സ്വയംഭരണ സ്ഥാപനങ്ങൾക്ക് പ്രത്യേക വിഹിതം അനുവദിച്ച് സർക്കാർ ഉത്തരവായി. 51 ഗ്രാമ പഞ്ചായത്തുകൾക്കും 5 നഗരസഭകൾക്കും കൂടി 43,92 കോടി രൂപയാണ് അനുവദിച്ചിട്ടുള്ളത്. 51 ഗ്രാമപഞ്ചായത്തുകൾക്ക് പൊതുവിഭാഗത്തിൽ 32,24,66,000രൂപയും എസ്.സി.പി (പ്രത്യേക ഘടക പദ്ധതി) വിഭാഗത്തിൽ 6,28,02,000 രൂപയും ടി.എസ്.പി (ഗോത്ര ഉപ പദ്ധതി)വിഭാഗത്തിൽ 13,06,000രൂപയുമാണ് അനുവദിച്ചിട്ടുള്ളത് . അഞ്ചു നഗരസഭകൾക്കായി പൊതുവിഭാഗത്തിൽ 4,52,91,000രൂപയും എസ്.സി.പി വിഭാഗത്തിൽ 70,08,000രൂപയും റ്റി.എസ്.പിയിൽ 3,35,000രൂപയും അനുവദിച്ചു.
തുക വിനിയോഗിക്കുന്നതിനുള്ള മാർഗരേഖ
പ്രകൃതി ദുരന്തത്താൽ പ്രത്യക്ഷമായോ പരോക്ഷമായോ ജീവനോപാധി മാർഗങ്ങൾ നഷ്ടപ്പെട്ട കുടുംബങ്ങൾക്കും വ്യക്തികൾക്കും തൊഴിലും വരുമാനവും ഉറപ്പാക്കുന്നതിനുള്ള പദ്ധതികൾ വേണം ഏറ്റെടുക്കേണ്ടത്.
കൃഷി, മൃഗസംരക്ഷണം, ക്ഷീരവികസനം,മത്സ്യബന്ധനം, ചെറുകിട വ്യവസായം, തൊഴിൽ സംരംഭങ്ങൾ എന്നീ
മേഖലകളിൽ ഗുണഭോക്താക്കൾ താൽപര്യപ്പെടുന്നതും അനുയോജ്യവുമായ ഉപജീവന മാർഗങ്ങൾ പദ്ധതികളാക്കണം.
പ്രകൃതി ദുരന്തത്തിലൂടെ പ്രത്യക്ഷമായോ പരോക്ഷമായോ ജീവനോപാധി നഷ്ടപ്പെട്ടവർക്ക് ഉപജീവനമാർഗ്ഗങ്ങൾ ഉണ്ടാക്കുന്നതാണ് മുഖ്യലക്ഷ്യമെങ്കിലും വിഹിതം ബാക്കിയുണ്ടെങ്കിൽ ഉപജീവന മാർഗങ്ങൾക്ക് ധനസഹായം ആവശ്യമായവരെയും പരിഗണിക്കാം.
കുടുംബശ്രീ മിഷൻ മുഖേന നടപ്പാക്കിവരുന്ന പ്രത്യേക ഉപജീവനോപാധി പാക്കേജുമായി സംയോജിപ്പിച്ച് പ്രോജക്ടുകൾ തയ്യാറാക്കാം.
പദ്ധതികളുടെ അന്തിമരൂപം നൽകുന്നത് തദ്ദേശ സ്വയംഭരണ തലത്തിലാണ്. വ്യക്തിഗതവും ഗ്രൂപ്പ് അധിഷ്ഠിതമായ പദ്ധതികൾക്കും രൂപം നൽകാം.
വിവിധ വകുപ്പുകളിൽ നിന്നും ആനുകൂല്യം ലഭിച്ചവരെ ഒഴിവാക്കി ഇരട്ടിപ്പും ദുർവ്യയവും ഒഴിവാക്കേണ്ടതാണ്.
പ്രകൃതി ദുരന്തത്താൽ ജീവനോപാധികൾ നഷ്ടപ്പെട്ടവർക്ക് സബ്സിഡി മാർഗരേഖ അനുസരിച്ചുള്ള യൂണിറ്റ് കോസ്ററിന്റെ 100 ശതമാനം വരെ സബ്സിഡി അനുവദിക്കാം. മറ്റുള്ളവർക്ക് നിലവിലുള്ള സബ്സിഡി മാർഗ്ഗ രേഖയിലെ അനുവദനീയമായ സബ്സിഡി നൽകാം
ദുരിതാശ്വാസ കേന്ദ്രങ്ങളുടെ നവീകരണം, പുതിയ ദുരിതാശ്വാസ കേന്ദ്രങ്ങൾ സ്ഥാപിക്കൽ, പ്രകൃതി ദുരന്തങ്ങളുടെ ആഘാതം കുറയ്ക്കുന്നതിനുള്ള പദ്ധതികൾ, പ്രളയത്തിൽ തകർന്നതോ കേടുപാടുകൾ പറ്റിയതോ ആയ പൊതു ആസ്തികളുടെ പുനർനിർമാണവും അറ്റകുറ്റപ്പണിയും, പ്രകൃതി ദുരന്തത്തിൽ നശിച്ച ഗ്രന്ഥശാലകളുടെ പുനർനിർമാണം തുടങ്ങിയുള്ള ജീവനോപാധി ഇതര പരിപാടികളും ഏറ്റെടുക്കാം.
മാർഗ്ഗ രേഖ പ്രകാരം തയ്യാറാക്കുന്ന പ്രോജക്റ്റുകൾ ജില്ലാ ആസൂത്രണ സമിതിക്ക് സമർപ്പിക്കണം. ജനുവരി നാലിന് മുമ്പ് പദ്ധതികൾ ജില്ല ആസൂത്രണ സമിതി മുമ്പാകെ ലഭ്യമാക്കണം
പ്രത്യേക സഹായം അനുവദിച്ച ഗ്രാമപഞ്ചായത്തുകൾ
അരൂക്കുറ്റി, ചേന്നംപള്ളിപ്പുുറം, പാണാവള്ളി, തൈക്കാട്ടുശ്ശേരി, വയലാർ, തുറവൂർ, കോടംതുരുത്ത്, അരൂർ, തണ്ണീർമുക്കം, ആര്യാട്, മണ്ണഞ്ചേരി, മുഹമ്മ, പുറക്കാട്, അമ്പലപ്പുുഴ സൗത്ത്, പുന്നപ്റ സൗത്ത്, പുന്നപ്റ നോർത്ത്, തലവടി, എടത്വ,തകഴി, നെടുമുടി, ചമ്പക്കുളം കൈനകരി, മുട്ടാർ, വെളിയനാട്, നീലംപേരൂർ,കാവാലം, പുളിങ്കുന്ന്, രാമങ്കരി, മുളക്കുഴ, വെൺമണി, ചെറിയനാട്, ആല, പുലിയൂർ, ബുധനൂർ, പാണ്ടനാട്, തിരുവൻവണ്ടൂർ,കുമാരപുരം, കരുവാറ്റ, പള്ളിപ്പാട്, ചെറുതന,വീയപുരം, മാവേലിക്കര തെക്കേക്കര, ചെട്ടികുളങ്ങര, ചെന്നിത്തല തൃപ്പെരുന്തുറ, തഴക്കര, മാന്നാർ, നൂറനാട്, പത്തിയൂർ, ചേപ്പാട്, ആറാട്ടുപുഴ, കൃഷ്ണപുരം.
നഗരസഭകൾ:
ചെങ്ങന്നൂർ, മാവേലിക്കര, ചേർത്തല, ആലപ്പുഴ, ഹരിപ്പാട്