തുറവൂർ: പാടിക്കൊണ്ടിരിക്കെ നാടൻ പാട്ടുകലാകാരൻ വേദിയിൽ കുഴഞ്ഞുവീണ് മരിച്ചു. തുറവൂർ പഞ്ചായത്ത് രണ്ടാം വാർഡ് പനച്ചിത്തറ വീട്ടിൽ സലീലൻ (43) ആണ് മരിച്ചത്. തുറവൂർ രുദ്രാ നാട്ടുകലാകൂട്ടം ട്രൂപ്പിലെ ഗായകനാണ്. തുറവുർ തെക്ക് പട്ടത്താളിൽ പനയത്ത് ഘണ്ടാകർണക്ഷേത്രത്തിൽ ചിറപ്പു ഉത്സവത്തിന്റെ സമാപനത്തോടനുബന്ധിച്ചു നടന്ന കലാപരിപാടിയ്ക്കിടെ ഞായറാഴ്ച രാത്രി 11.30നായിരുന്നു സംഭവം.ഉടൻ തുറവുർ താലൂക്ക് ആശുപത്രിയിലേക്ക് കൊണ്ടുപോയെ ങ്കിലും രക്ഷിക്കാനായില്ല. പോസ്റ്റ്മോർട്ടത്തിനു ശേഷം മൃതദേഹം വീട്ടുവളപ്പിൽ സംസ്കരിച്ചു. ഭാര്യ: അമ്പിളി.മകൾ: ശിവനന്ദ.