ന്യൂഡൽഹി: സി.ബി.എസ്.ഇ പത്ത്, പന്ത്രണ്ട് ക്ലാസുകളിലെ പരീക്ഷാ തീയതികൾ പ്രഖ്യാപിച്ചു. പരീക്ഷാ കലണ്ടർ സി.ബി.എസ്.ഇയുടെ ഔദ്യോഗിക വെബ്‌സൈറ്റിൽ ലഭ്യമാണ്. കലണ്ടർ പ്രകാരം ബോർഡ് പരീക്ഷകൾ (തിയറി) 2020 ഫെബ്രുവരി 15ന് ആരംഭിച്ച് മാർച്ച് 30ന് അവസാനിക്കും.

പത്താം ക്ലാസ് മെയിൻ പരീക്ഷകൾ ഫെബ്രുവരി 26ന് തുടങ്ങി മാർച്ച് 18ന് അവസാനിക്കും. പന്ത്രണ്ടാം ക്ലാസ് പരീക്ഷ മാർച്ച് 30ന് അവസാനിക്കും. പ്രാക്ടിക്കൽ പരീക്ഷാ തീയതികൾ സി.ബി.എസ്.ഇ നേരത്തെ പ്രഖ്യാപിച്ചിരുന്നു. വിശദമായ ടൈംടേബിൾ സി.ബി.എസ്.ഇ ഔദ്യോഗിക വെബ്‌സൈറ്റിൽ ലഭ്യമാണ്. വെബ്സൈറ്റ്: http://cbse.nic.in/