ന്യൂഡൽഹി: കറുത്ത കണ്ണട ധരിച്ച് ആകാശത്തേക്ക് വലയ സൂര്യഗ്രഹണം കാണുന്ന പ്രധാനമന്ത്രി നരേന്ദ്ര മോദിയുടെ ട്വിറ്റർ ഫോട്ടോയെ പരിഹസിച്ച് ട്രോളൻമാർ. കുറിക്കുകൊള്ളുന്ന മറുപടിയുമായി മോദി.

'ചിത്രം സാമൂഹിക മാദ്ധ്യമങ്ങളിൽ ട്രോളായി പ്രചരിക്കും' എന്നായിരുന്നു കുറിപ്പ്.

'സ്വാഗതം ചെയ്യുന്നു... ആസ്വദിക്കൂ' എന്നായിരുന്നു മോദിയുടെ മറുപടി.

അനേകം ഇന്ത്യക്കാരെ പോലെ താനും വലയ സൂര്യഗ്രഹണം കാണാൻ ആവേശഭരിതനായിരുന്നുവെന്ന് മോദി പറഞ്ഞിരുന്നു. ദൗർഭാഗ്യവശാൽ, മേഘങ്ങൾ മൂടിയിരുന്നതു കാരണം സൂര്യനെ കാണാനായില്ല. എന്നാൽ സൂര്യ ഗ്രഹണത്തിന്റെ ചില ദൃശ്യങ്ങൾ കോഴിക്കോട്ടു നിന്നും മറ്റു ഭാഗങ്ങളിൽ നിന്നും തത്സമയ സംപ്രേഷണത്തിലൂടെ കാണാനായി. മാത്രമല്ല, വിദഗ്ദ്ധന്മാരുമായുള്ള ആശയ വിനിമയത്തിലൂടെ വിഷയത്തെക്കുറിച്ചുള്ള അറിവ് വർദ്ധിപ്പിക്കാനായെന്നും പ്രധാനമന്ത്രി ട്വീറ്റ് ചെയ്തിരുന്നു.