കോലഞ്ചേരി: ഭക്ഷ്യ സുരക്ഷ ലൈസൻസില്ലാത്ത കാറ്ററിംഗ് സ്ഥാപനത്തിൽ വിവാഹ സദ്യ ഏല്പിക്കരുത്, സദ്യ മുടങ്ങും, പണിയും കിട്ടും. ലൈസൻസില്ലാതെ പ്രവർത്തിക്കുന്ന കാ​റ്ററിംഗ് സ്ഥാപനങ്ങളെ കണ്ടെത്താൻ വിവാഹ ഓഡിറ്റോറിയങ്ങളിലും പരിശോധന ശക്തമാക്കി. ലൈസൻസില്ലാതെ പിടി കൂടിയാൽ ഉടമകൾക്ക് ജയിൽ ശിക്ഷയും ഒരു ലക്ഷം രൂപ വരെ പിഴയും ലഭിക്കുമെന്ന് ഭക്ഷ്യസുരക്ഷാ അസി. കമ്മീഷണർ അറിയിച്ചു. വിവാഹത്തിനും മ​റ്റ് വിശേഷങ്ങൾക്കും കാ​റ്ററിംഗ് എൽപിക്കുമ്പോൾ കാ​റ്ററിംഗ് ടീമിന് എഫ്.എസ്.എസ്.എ ലൈസൻസ് ഉണ്ടെന്ന് ഉറപ്പാക്കണം.

ലൈസൻസ് നമ്പർ 1 എന്നക്കത്തിലും, രജിസ്‌ട്രേഷൻ നമ്പർ 2 എന്നക്കത്തിലുമാണ് തുടങ്ങുന്നത്.വിവാഹഹാളുകളും, ഇവന്റ് മാനേജ്‌മെന്റ്ടീമും ലൈസൻസ് എടുത്ത് സൂക്ഷിക്കേണ്ടതാണ്.

കാ​റ്ററിംഗ് യൂണി​റ്റിനെ ഏൽപ്പിക്കുമ്പോൾ നിർബന്ധമായും ജി.എസ്.ടി ബിൽ വാങ്ങണം.

കാ​റ്ററിംഗ് യൂണി​റ്റിന് ഭക്ഷണം പാചകം ചെയ്യാൻ സ്വന്തമായി സ്ഥാപനം , ജോലിക്കാർ , പാകം ചെയ്യാനുളള പാത്രങ്ങൾ, സാമഗ്രികൾ എന്നിവ വേണം

കാ​റ്ററിംഗ് യൂണി​റ്റിലെ വെളളം പരിശോധിച്ച് സർട്ടിഫിക്ക​റ്റ് സൂക്ഷിക്കണംആവശ്യമായ സമയത്ത് ഹാജരാക്കണം.

കാ​റ്ററിംഗ് യൂണി​റ്റിലെ ജോലിക്കാരുടെ മെഡിക്കൽ സർട്ടിഫിക്ക​റ്റ് നിർബന്ധമായും സ്ഥാപനത്തിൽ സൂക്ഷിക്കണം