കൊച്ചി: ഹെെദരാബാദിലെ നാഷണൽ ഡ്രാമതീയേറ്റർ ഗ്രൂപ്പ് ഒരുക്കുന്ന ദേശീയ നാടകോത്സവത്തിലേക്ക് മലയാളത്തിൽ നിന്നും വെെക്കം മാളവികയുടെ മഞ്ഞുപെയ്യുന്ന മനസ്സ് എന്ന നാടകം തിരഞ്ഞെടുത്തു. ഫ്രാൻസിസ് ടി. മാവേലിക്കര എഴുതി വൽസൻ നിസരി സംവിധാനം ചെയ്ത നാടകത്തിൽ പ്രധാന വേഷം അഭിനയിക്കുന്നത് പ്രദീപ് മാളവികയാണ്. നൂറിൽപ്പരം വേദികളിൽ 6 ഭാഷകളിൽ നിന്നുള്ള 6 നാടകങ്ങളാണ് അവതരിപ്പിക്കുക. കേരളത്തിൽ നിന്നും ഒരു പ്രൊഫഷണൽ നാടകം ദേശീയ നാടകോത്സവത്തിലേക്ക് ആദ്യമായാണ് തിരഞ്ഞെടുക്കപ്പെടുന്നത്. മികച്ച നാടകത്തിന് ഒരു ലക്ഷം രൂപ കാഷ് അവാർഡ് നൽകും. ഡിസംബർ 23 ന് കേന്ദ്രമന്ത്രി പ്രകാശ് ജാവേദ്ക്കർ നാടകോത്സവം ഉദ്ഘാടനം ചെയ്യും.