തൃക്കാക്കര: ദേവസ്വം നിയമനങ്ങളിൽ വിശ്വകർമ്മക്ക് പത്ത് ശതമാനം സംവരണം നൽകുക, ദേവസ്വം ബോർഡ് അധിക സംവരണം വീതംവച്ചപ്പോൾ വിശ്വകർമ്മയെ ഒഴിവാക്കിയത് പുനപരിശോദിക്കുക,തുടങ്ങിയ വിവിധ ആവശ്യങ്ങളുന്നയിച്ചു വിശ്വകർമ്മ സർവീസ് സൊസൈറ്റി ജില്ലാ കമ്മറ്റിയുടെ നേതൃത്വത്തിൽ കളക്ടറേറ്റ് മാർച്ച് നടത്തി.സംസ്ഥാന ട്രഷറർ കെ .എ ശിവൻ ധർണ ഉദ്ഘാടനം ചെയ്തു. വി.എസ് .എസ് ജില്ലാ ചെയർമാൻ വി .എസ് ഉടയാൻ അദ്ധ്യക്ഷത വഹിച്ചു.നേതാക്കളായ വി.എസ് പ്രദീപ്,കെ കെ ദിനേശൻ,ഓമന സുരേഷ്,അജിത സുരേഷ്,പി .കെ സിനോജ് തുടങ്ങിയവർ പ്രസംഗിച്ചു.