മൂവാറ്റുപുഴ: മാസങ്ങളോളം ലൈംഗി​ക ചൂഷണത്തിന് ഇരയായ പെൺകുട്ടിയെ പ്രതിയുടെ സഹോദരൻ കൊലപ്പെടുത്താൻ ശ്രമിച്ചു. കുതറി ഓടിയ കുട്ടി അംഗൻവാടിയിൽ അഭയം തേടി. ഇന്നലെ വൈകിട്ട് 4 മണിയോടെ പായിപ്രയിലാണ് സംഭവം.

അംഗൻവാടി​ വി​ട്ട് വീട്ടി​ലെത്തി​യ കുട്ടി​യെയാണ് ആക്രമി​ക്കാൻ ശ്രമി​ച്ചത്.

ഇതര സംസ്ഥാന തൊഴിലാളികൾ താമസിക്കുന്ന ലൈൻ കെട്ടിടത്തിൽ കഴിയുന്ന ഒഡീഷാ തൊഴിലാളിയുടെ മകളാണി​ത്. ഒഡീഷാക്കാർ തന്നെയായ മനോജ്, പബിത്ര പ്രധാൻ എന്നിവരാണ് കുട്ടി​യെ പീഡി​പ്പി​ച്ച കേസി​ൽ പ്രതി​കൾ.

പരാതിയെ തുടർന്ന് മൂവാറ്റുപുഴ പൊലീസ് ഒക്ടോബർ 25 ന് രണ്ടുപേരെയും അറസ്റ്റ്ചെയ്തി​രുന്നു.

കുട്ടിയെ കാക്കനാട്ടെ ചൈൽഡ് ഹോമിലേക്കും മാറ്റി​. കഴിഞ്ഞ ദിവസം മാതാപിതാക്കൾ ചെന്നപ്പോൾ ഇവർക്കൊപ്പം പോന്നതാണ് കുട്ടി​.

പിങ്ക് പൊലീസ് മാതാപിതാക്കൾക്കൊപ്പം വിടാൻ ശ്രമിച്ചുവെങ്കിലും കുട്ടി പോകാൻ തയ്യാറായില്ല. ഒടുവിൽ പൊലീസ് കുട്ടിയെ കാക്കനാട് സ്നേഹിതയിലേക്ക് മാറ്റി.