പറവൂർ : ഇരുട്ടുകുത്തി വള്ളങ്ങൾ മാറ്റുരയ്ക്കുന്ന പുത്തൻവേലിക്കര തുരുത്തിപ്പുറം ജലോത്സവം ഇന്ന് (08-12) തുരുത്തിപ്പുറം കായലിൽ നടക്കും. ഉച്ചയ്ക്ക് രണ്ടിന് മത്സരം തുടങ്ങും. എ ഗ്രേഡിൽ തുരുത്തിപ്പുറം, ഗോതുരുത്തുപുത്രൻ, താണിയൻ, പൊഞ്ഞനത്തമ്മ, ബി ഗ്രേഡിൽ ചെറിയപണ്ഡിതൻ, ജിബി തട്ടകൻ, ശ്രീമുരുകൻ, സെന്റ് സെബാസ്റ്റ്യൻ ഒന്നാമൻ, മയിൽവാഹനൻ, ഗോതുരുത്ത്, കാശിനാഥൻ, ജി.എം.എസ് എന്നീ വള്ളങ്ങൾ പങ്കെടുക്കും. ഇ.ടി. ടൈസൺ എം.എൽ.എ ഉദ്ഘാടനം ചെയ്യും. വി.ഡി. സതീശൻ എം.എൽ.എ അധ്യക്ഷത വഹിക്കും. വി.ആർ. സുനിൽകുമാർ എം.എൽ.എ ജേതാക്കൾക്ക് ട്രോഫി സമ്മാനിക്കും. തുരുത്തിപ്പുറം ബോട്ട് ക്ലബാണ് സംഘാടകർ.