കൊച്ചി : തൊഴിൽ, നൈപുണ്യ വകുപ്പിന്റെ കീഴിലെ കേരള സ്റ്റേറ്റ് ജോബ് പോർട്ടലും അങ്കമാലി ഡീ പോൾ ഇൻസ്റ്റിറ്റ്യൂട്ട് ഒഫ് സയൻസ് ആൻഡ് ടെക്‌നോളജിയും (ഡിസ്റ്റ്) സംയുക്തമായി സംഘടിപ്പിച്ച തൊഴിൽമേളയിൽ നൂറുകണക്കിന് ഉദ്യോഗാർത്ഥികൾ പങ്കെടുത്തു.
മേളയിൽ 57 കമ്പനികൾ പങ്കെടുത്തു. കേരള അക്കാഡമി ഫോർ സ്‌കിൽസ് എക്‌സലൻസിന്റെ (കെയ്‌സ്) ചീഫ് ഓപ്പറേറ്റിംഗ് ഓഫീസർ എം.ആർ അനൂപ് ജോബ് മേള ഉദ്ഘാടനം ചെയ്തു.
ജനുവരി 16, 17 തിയതികളിൽ ഡിസ്റ്റിൽ നടത്തുന്ന ഇന്റർ കൊളീജിയറ്റ് ഫെസ്റ്റ് (ഡിഗ്‌നിറ്റോ) ന്റെ ഭാഗമായി വിദ്യാർത്ഥികൾ ഫ്ലാഷ് മോബ് സംഘടിപ്പിച്ചു. ഡിസ്റ്റ് ഡയറക്ടർ ഫാ. ജോർജ് പോട്ടയിൽ, പ്രിൻസിപ്പൽ ഡോ. ഉണ്ണി സി.ജെ., ഡിസ്റ്റ് പ്ലെയ്‌സ്‌മെന്റ് കോ ഓർഡിനേറ്റർ ജോസഫ് പോൾ എന്നിവർ ചടങ്ങിൽ സംസാരിച്ചു