മൂവാറ്റുപുഴ: അഖിലേന്ത്യാ കിസാൻ സഭ മണ്ഡലം കമ്മിറ്റിയുടെ ആഭിമുഖ്യത്തിൽ മൂവാറ്റുപുഴ ഹെഡ് പോസ്റ്റ് ഓഫീസ് മാർച്ചും ധർണ്ണയും നടത്തി. സ്വാമി നാഥൻ കമ്മീഷൻ റിപ്പോർട്ട് നടപ്പിലാക്കുക, കാർഷിക പെൻഷൻ അനുവദിക്കുക, കാർഷിക കടങ്ങൾ എഴുതി തള്ളുക, വിളകൾക്ക് ന്യായവില ഉറപ്പാക്കുക, കാർഷിക ഉല്പന്നങ്ങൾ ന്യായ വിലയ്ക്ക് സംഭരിക്കുക എന്നീ ആവശ്യങ്ങൾ ഉന്നയിച്ചാണ് ഹെഡ് പോസ്റ്റ് ഓഫീസ് മാർച്ച് നടത്തിയത്. സി.പി.ഐ ഓഫീസിൽ നിന്നും ആരംഭിച്ച മാർച്ച് നഗരം ചുറ്റി പോസ്റ്റ് ഓഫീസിന് മുന്നിൽ സമാപിച്ചു. തുടർന്ന് നടന്ന ധർണ്ണ അഖിലേന്ത്യാ കിസാൻ സഭ ജില്ലാ സെക്രട്ടറി കെ.എം.ദിനകരൻ ഉദ്ഘാടനം ചെയ്തു. കിസാൻ സഭ മണ്ഡലം സെക്രട്ടറി ടി.എം.ഹാരിസ് അദ്ധ്യക്ഷത വഹിച്ചു. നേതാക്കളായ കെ.വി.രവീന്ദ്രൻ, എ.പി.ഷാജി, എം.പി.ജോസ്, കെ.കെ.വിജയൻ, എം.ജി.പ്രസാദ്, കെ.എ.സനീർ, കെ.എ.നവാസ്, സീന ബോസ് എന്നിവർ സംസാരിച്ചു. മാർച്ചിനും ധർണ്ണയ്ക്കും നേതാക്കളായ കെ.പി.ഏലിയാസ്, എം.ഐ.കുര്യാക്കോസ്, പോൾ പൂമറ്റം, ഒ.സി.ഏലിയാസ്, സുനിൽകുമാർ, സുധി, പി.വി.ജോയി, കെ.ആർ.രാജൻ എന്നിവർ നേതൃത്വം നൽകി.