കോലഞ്ചേരി: പൗരത്വ ഭേദഗതി ബില്ല് നടപ്പാക്കുന്ന കേന്ദ്ര സർക്കാർ നടപടിയിൽ പ്രതിഷേധിച്ച് സി.പി.എം ഏരിയാ കമ്മി​റ്റിയുടെ നേതൃത്വത്തിൽ കോലഞ്ചേരി ബി.എസ്.എൻ.എൽ ഓഫീസിലേക്ക് മാർച്ച് നടത്തി. ജില്ലാ സെക്രട്ടറിയേ​റ്റംഗം അഡ്വ. എൻ.സി മോഹനൻ ഉദ്ഘാടനം ചെയ്തു. ഏരിയാ കമ്മി​റ്റിയംഗം എം.പി വർഗീസ് അദ്ധ്യക്ഷനായി. ഏരിയാ സെക്രട്ടറി സി.കെ വർഗീസ്, ജില്ലാ കമ്മി​റ്റിയംഗം കെ.എസ് അരുൺകുമാർ എന്നിവർ സംസാരിച്ചു.