പറവൂർ : പ്രളയാനന്തര പുനർനിർമ്മാണ പ്രവർത്തനങ്ങളുടെ ഭാഗമായി പുനർജനി പദ്ധതിയിൽ കെ.പി.സി.സി കോട്ടുവള്ളി പഞ്ചായത്തിലെ കൈതാരം ഇടിഞ്ഞാപ്പിള്ളി നികത്തിൽ ബെന്നിയുടെ കുടുംബത്തിന് നിർമ്മിച്ചു നൽകുന്ന വീടിന്റെ തറക്കല്ലിടൽ വി.ഡി. സതീശൻ എം.എൽ.എ നിർവഹിച്ചു. കെ.പി. ധനപാലൻ, എം.എസ്. റെജി, രമേഷ് ഡി. കുറുപ്പ്. പി.സി. ബാബു, എൻ. ഇ. സോമസുന്ദരൻ, എം.എ. നസീർ, ലാലു കൈതാരം തുടങ്ങിയവർ പങ്കെടുത്തു.