കോലഞ്ചേരി: എസ്.എൻ.ഡി.പി യോഗം ഐരാപുരം ശാഖയുടെ ശ്രീനാരായണ പ്രാർത്ഥനാഹാളിന്റെ ഉദ്ഘാടനം ഇന്ന് രാവിലെ 10.30 ന് യോഗം ജനറൽ സെക്രട്ടറി വെള്ളാപ്പള്ളി നടേശൻ നിർവഹിക്കും. രാവിലെ 10 ന് വിശിഷ്ട വ്യക്തികളെ കോളേജ് ജംഗ്ഷനിൽ നിന്ന് ഉദ്ഘാടന വേദിയിലേയ്ക്ക് സ്വീകരിക്കും. യൂണിയൻ അഡ്മിനിസ്ട്രേറ്റീവ് കമ്മിറ്റി ചെയർമാൻ കെ.കെ കർണന്റെ അദ്ധ്യക്ഷതയിൽ നടക്കുന്ന സമ്മേളനത്തിൽ കൺവീനർ സജിത് നാരായണൻ, കമ്മിറ്റിഅംഗം എം.എ. രാജു, എംപ്ളോയീസ് വെൽഫെയർ ഫോറം യൂണിയൻ സെക്രട്ടറി കെ.എൻ. ഗോപാലകൃഷ്ണൻ, ശാഖാ പ്രസിഡന്റ് കെ.കെ. ശങ്കരൻകുട്ടി, സെക്രട്ടറി പി.എസ്. റെജി, ശാഖാ മുൻ പ്രസിഡന്റ് കെ. ത്യാഗരാജൻ, സെക്രട്ടറി പി.ജി. ബിനു, ജി. ഷൈൻകുമാർ, വിവിധ ശാഖാ പ്രസിഡന്റുമാരായ പി.വി. സന്തോഷ് (വലമ്പൂർ), കെ.കെ അനിൽ (വളയൻചിറങ്ങര), എ.കെ സുരേന്ദ്രൻ (കിളികുളം), കൂഴൂർ ശാഖാ സെക്രട്ടറി കെ.എൻ. കൃഷ്ണൻ, യൂണിയൻ മൈക്രോ ഫിനാൻസ് കോ ഓർഡിനേറ്റർ നളിനി മോഹൻ, സതി രാജൻ, സുജ ഗോപാലൻ, രാഹുൽരാജ്, അമൃത കെ.എസ്, ആരോമൽ സന്തോഷ്, വി.ബി. സന്തോഷ്, സിന്ധു സുരേന്ദ്രൻ, സി.എസ്. ലൈജു തുടങ്ങിയവർ സംസാരിക്കും. ചടങ്ങിൽ മുൻകാല പ്രസിഡന്റ്, സെക്രട്ടറി എന്നിവരെ ആദരിക്കും. ഒരുകോടി രൂപ ചെലവിൽ 1500 പേർക്ക് ഇരിക്കാവുന്ന വിധമാണ് പ്രാർത്ഥനാഹാൾ നിർമ്മിച്ചിരിക്കുന്നത്.