പറവൂർ : പറവൂർ അർബൻ സഹകരണ സംഘം ന്യൂലൈൻ റോഡിൽ നിർമ്മിച്ച പുതിയ ഓഫീസ് മന്ദിരത്തിന്റെ ഉദ്ഘാടനം വി.ഡി. സതീശൻ എം.എൽ.എ നിർവഹിച്ചു. സംഘം പ്രസിഡന്റ് കെ.ആർ. ഗോപാലകൃഷ്ണൻ അദ്ധ്യക്ഷത വഹിച്ചു. സ്ട്രോംഗ് റൂം എസ്. ശർമ്മ എം.എൽ.എയും ലോക്കർ പി. രാജുവും സേഫ് കെ.പി. ധനപാലനും ഉദ്ഘാടനം ചെയ്തു. നഗരസഭാ ചെയർമാൻ ഡി. രാജ്കുമാർ വിശിഷ്ട വ്യക്തികളെ ആദരിച്ചു. ബാങ്ക് വൈസ് പ്രസിഡന്റ് വി.സി. പത്രോസ്, സെക്രട്ടറി മഞ്ജുള നാരായണൻ തുടങ്ങിയവർ സംസാരിച്ചു.