കൊച്ചി: എൻ.ആർ.സി, പൗരത്വ നിയമ ഭേദഗതി എന്നിവക്കെതിരെ സംയുക്ത സമരസമിതി ആഹ്വാനം ചെയ്ത ഹർത്താൽ ഇന്ന് രാവിലെ ആറ് മുതൽ വൈകിട്ട് ആറ് വരെ. വെൽഫെയർ പാർട്ടി, എസ്.ഡി.പി.ഐ, ബി.എസ്.പി തുടങ്ങിയ സംഘടനകളാണ് സമി​തി​യി​ലുള്ളത്.

കടകമ്പോളങ്ങൾ നിർബന്ധമായി അടപ്പിക്കുകയോ വാഹനങ്ങൾ തടയുകയോ ചെയ്യില്ലെന്ന് സമിതി ഭാരവാഹികൾ വാർത്താസമ്മേളനത്തിൽ പറഞ്ഞു. ശബരിമല തീർത്ഥാടകർക്ക് വേണ്ടി​ റാന്നി, പത്തനംതിട്ട മേഖലകളെ ഹർത്താലിൽ നിന്നും ഒഴിവാക്കി.

വെൽഫെയർ പാർട്ടി ജില്ലാ പ്രസിഡന്റ് ജ്യോതിവാസ് പറവൂർ, എസ്.ഡി.പി.ഐ ജില്ലാ പ്രസിഡന്റ് ഷമീർ മാഞ്ഞാലി, ബി.എസ്.പി ജില്ലാ സെക്രട്ടറി സിജികുമാർ എന്നിവർ വാർത്താ സമ്മേളനത്തിൽ പങ്കെടുത്തു.