കളമശേരി: രാജ്യം മുഴുവൻ ഉറ്റുനോക്കുന്ന കേരളത്തി​ലെ വിദ്യാഭ്യാസ ആരോഗ്യരംഗങ്ങളുടെ പേരും പെരുമയും നില നിർത്തേണ്ട ഉത്തരവാദിത്വവും നമുക്കുണ്ടെന്ന് ഗവർണർ ആരി​ഫ് മുഹമ്മദ് ഖാൻ പറഞ്ഞു. കൊച്ചി സർവ്വകലാശാലയിൽ വൈസ് ചാൻസലർമാരുടെ യോഗത്തിനു ശേഷം മാദ്ധ്യമപ്രവർത്തകരുമായി​ സംസാരി​ക്കുകയായി​രുന്നു അദ്ദേഹം.

വൈസ് ചാൻസലർമാരുടെ യോഗം കൃത്യമായ ഇടവേളകളിൽ വിളിച്ചു ചേർക്കും.ചാൻസലർ എന്ന നിലയിൽ പ്രത്യേക ഉത്തരവാദിത്വങ്ങൾ ഭരണഘടന ഗവർണർക്ക് നൽകുന്നു. സിൻഡിക്കേറ്റ്, സെനറ്റ്, അക്കാദമിക് കൗൺസിൽ പോലുള്ള സംവിധാനങ്ങൾ നിയമങ്ങളും ചട്ടങ്ങളും അനുസരിച്ച് പ്രവർത്തിക്കണമെന്നും അദ്ദേഹം പറഞ്ഞു.