മൂവാറ്റുപുഴ: പായിപ്ര ഗ്രാമ പഞ്ചായത്ത് ഒന്നാം വാർഡ് എ.ഡി.എസ് വാർഷികം പായിപ്ര ഗവണ്മെന്റ് യു.പി. സ്ക്കൂളിൽ ഗ്രാമ പഞ്ചായത്ത് പ്രസിഡന്റ് ആലീസ് കെ.ഏലിയാസ് ഉദ്ഘാടനം ചെയ്തു. ജില്ലാ പഞ്ചായത്ത് മെമ്പർ എൻ. അരുൺ മുഖ്യപ്രഭാഷണം നടത്തി. വാർഡ് മെമ്പർ പി.എസ്. ഗോപകുമാർ അദ്ധ്യക്ഷത വഹിച്ചു. എ ഡി എസ് പ്രസിഡന്റ് മേരി സന്തോഷ് സ്വാഗതം പറഞ്ഞു. സെക്രട്ടറി ജയശ്രീ റിപ്പോർട്ട് അവതരിപ്പിച്ചു. മുതിർന്ന കുടുംബശ്രീ അംഗങ്ങളെ ഗ്രാമ പ‌ഞ്ചായത്ത് വെെസ് പ്രസിഡന്റ് എം. പി. ഇബ്രാഹിം ആദരിച്ചു. ബ്ലോക്ക് പ‌ഞ്ചായത്ത് മെമ്പർ സ്മിത സിജു സമ്മാനദാനം നിർവ്വഹിച്ചു. പഞ്ചായത്ത് മെമ്പർമാരായ നസീമ സുനിൽ, അശ്വതി ശ്രീജിത്, സി ഡി എസ് ചെയർപേഴ്സൺ സിനി സുധീഷ് , സി ഡി എസ് മെമ്പർ രമണി കൃഷ്ണൻ കുട്ടി എന്നിവർ സംസാരിച്ചു.