പനങ്ങാട്: സന്മാർഗ സന്ദർശിനി സഭവക വെട്ടിക്കാപ്പള്ളിൽ അന്നപൂർണേശ്വരി ക്ഷേത്രത്തിലെ സമൂഹപൊങ്കാലയും താലപ്പൊലി ആഘോഷവും ഇന്ന് ആരംഭിച്ച് 27ന് സമാപിക്കും. സാബു ശാന്തിയുടെ കാർമ്മികത്വത്തിൽ വെളുപ്പിന് 4.30ന് പള്ളിണർത്തൽ, 5ന് നടതുറക്കൽ, നിർമ്മാല്യം, ആഭിഷേകം 6 ന്,​ മലർനിവേദ്യവും സോപാന സംഗീതവും. രാവിലെ 8ന് മഹാഗണപതി ഹോമത്തിന് ശേഷംപൊങ്കാല സമർപ്പണം ആരംഭിക്കും. തുടർന്ന് അന്നദാനം.വൈകീട്ട് 5ന് ശ്രീവല്ലീശ്വര സേവാസംഘത്തിന്റെ ആഭിമുഖ്യത്തിൽ ദീപക്കാഴ്ച. 7ന് ദീപാരാധന,രാഗസുധ പനങ്ങാടിന്റെ സംഗീത സദസ്, രാത്രി 8ന് യക്ഷി നടയിൽ നൂറും പാലും സമർപ്പണവും കളമെഴുത്ത് പാട്ടും. 26ന് കാഴ്ചശ്രീബലി, വിവിധ താലം കമ്മറ്റികളുടെ ആഭിമുഖ്യത്തിൽ ദീപാരാധനക്ക് ശേഷം താലഘോഷയാത്രകൾ, 27ന് രാവിലെ 11ന് കലാശാഭിഷേകം, വൈകുന്നേരം 4ന് കാഴ്ച ശ്രീബലി, രാത്രി 8ന് ദീപാരാധന തുടർന്ന് പുഷ്പാഭിഷേകം രാത്രി 8.30ന് ചന്തിരൂർദിനേശൻ നയിക്കുന്ന തായമ്പക.

താലം വരവ് ഇന്ന്

ഇന്ന് വൈകീട്ട് 7ന് അഞ്ചുതൈക്കൽകുടുംബ് ട്രസ്റ്റ് വക താലം അഞ്ചു തൈക്കൽ ദേവീസന്നിധിയിൽ നിന്നും പുറപ്പെട്ട് അന്നപൂർണ്ണേശ്വരിക്ഷേത്രത്തിൽ എത്തിച്ചേരും. നാളെ പനങ്ങാട് നായർ സ്ത്രീസമാജം വക താലം, ശ്രീരാജരാജേശ്വരി മഹിളാ സംഘം വക താലം കമലാക്ഷി തങ്കപ്പന്റെ വസതിയിൽ നിന്നും ,വെട്ടിക്കാപ്പളളിൽ അന്നപൂർണ്ണേശ്വരി മഹിളാസംഘം തെക്കും ഭാഗം വക താലംമഠത്തിപ്പറമ്പിൽ സിന്ധുരാജന്റെ വസതിയിൽ നിന്നും, അന്നപൂർണ്ണേശ്വരി മഹിളാസംഘം ജനതാറോഡ് താലം, അന്നപൂർണ്ണേശ്വരി മഹിളാസംഘം കിഴപ്പളളിൽ ഭാഗം, അന്നപൂർണ്ണേശ്വരി മഹിളാസംഘം വെളിയത്ത്ഭാഗം, അന്നപൂർണ്ണേശ്വരി മഹിളാ സംഘംവക താലം വെളളീനക്ഷേത്രത്തിൽ നിന്നും ദേവി മഹിളാസംഘംവകതാലം ഞാറുകാട്ട് ധർമ്മ ദൈവക്ഷേത്രത്തിൽ നിന്നും ആരംഭിച്ച് എല്ലാതാലങ്ങളും ക്ഷേത്ര സന്നിധിയിൽ എത്തിച്ചേരും.