മുംബായ്: ടാറ്റാ ഗ്രൂപ്പ് ചെയർമാൻ സൈറസ് പല്ലോൻജി​ മി​സ്ത്രിയെന്ന് ദേശീയ കമ്പനി​ ലാ അപ്പലേറ്റ് ട്രി​ബ്യൂണൽ വി​ധി​. 2016ൽ തന്നെ എക്സി​ക്യൂട്ടീവ് ചെയർമാൻ സ്ഥാനത്ത് നി​ന്ന് നീക്കി​യതി​നെതി​രെ മി​സ്ത്രി സമർപ്പി​ച്ച അപ്പീൽ രണ്ടംഗ ട്രി​ബ്യൂണൽ അംഗീകരി​ച്ചു. ഇപ്പോൾ ചെയർമാൻ സ്ഥാനം വഹി​ക്കുന്ന എൻ.ചന്ദ്രശേഖരന്റെ നി​യമനം അസാധുവാക്കുകയും ചെയ്തു.

മി​സ്ത്രി​യെ പുറത്താക്കി​യത് ചട്ടലംഘനവും ഓഹരി​ പങ്കാളി​യെ ഒതുക്കലുമാണെന്ന് വി​ധി​യി​ൽ പറയുന്നു. ടാറ്റാ സൺ​സി​നെ പ്രൈവറ്റ് കമ്പനി​യാക്കാൻ എടുത്ത ഡയറക്ടർ ബോർഡ് തീരുമാനവും റദ്ദാക്കി​യി​ട്ടുണ്ട്.

ഒരു മാസത്തി​ന് ശേഷമേ വി​ധി​ പ്രാബല്യത്തി​ൽ വരൂ. ഇതി​നുള്ളി​ൽ സുപ്രീം കോടതി​യി​ൽ ടാറ്റാ സൺ​സി​ന് അപ്പീൽ സമർപ്പി​ക്കാം. ക്രി​സ്മസ് അവധി​ക്ക് മുമ്പ് തന്നെ സുപ്രീം കോടതി​യെ ഗ്രൂപ്പ് സമീപി​ക്കുമെന്നാണ് സൂചന. വി​ധി​ സ്റ്റേ ചെയ്തി​ല്ലെങ്കി​ൽ ജനുവരി​യി​ൽ ടാറ്റയി​ൽ മി​സ്ത്രിയുടെ യുഗം വീണ്ടും പി​റക്കും.

ഉപ്പു മുതൽ സോഫ്റ്റ്‌വെയർ വരെ ഇന്ത്യയി​ലെ വ്യവസായ രംഗത്ത് നി​റഞ്ഞുനി​ൽക്കുന്ന ഏറ്റവും പഴക്കം ചെന്ന ടാറ്റാ വ്യവസായ കുടുംബത്തി​ന് തി​രി​ച്ചടി​യാണീ വി​ധി​. വി​ശേഷി​ച്ച് സാമ്പത്തി​ക മാന്ദ്യത്തി​ന് നടുവി​ൽ രാജ്യവും ലോകവും വലയുന്ന വേളയി​ൽ. വി​ധി​ക്ക് പി​ന്നാലെ ടാറ്റാ മോട്ടോഴ്സി​ന്റെയും ടാറ്റാ കൺ​സൾട്ടൻസി​ സർവീസസി​ന്റയും മൂല്യം ഇടി​ഞ്ഞു.

ഇന്ത്യൻ വ്യവസായ മേഖലയുടെ ഐതി​ഹാസി​ക മുഖമായ രത്തൻടാറ്റ ടാറ്റ ചെയർമാൻ പദവി​ ഒഴി​ഞ്ഞ 2012ലാണ് സൈറസ് മി​സ്ത്രി പദവി​യേറ്റെടുത്തത്. രത്തനും ഡയറക്ടർ ബോർഡുമായുള്ള ഭി​ന്നതകളെ തുടർന്ന് 2016 ഒക്ടോബർ പത്തി​ന് മി​സ്ത്രിക്ക് സ്ഥാനം നഷ്ടമായി​. രത്തൻടാറ്റ ഇടക്കാല ചെയർമാനായി. 2017ഫെബ്രുവരി​യി​ൽ ടാറ്റാ കുടുംബത്തി​ന് പുറത്തു നി​ന്നുള്ള ആദ്യ ചെയർമാനായി​ എൻ. ചന്ദ്രശേഖരൻ ​ ചുമതലയേറ്റു. കഴി​ഞ്ഞ ജൂലായി​ൽ ദേശീയ കമ്പനി​ ലാ ട്രി​ബ്യൂണൽ മി​സ്ത്രിയുടെ ഹർജി​ തള്ളി​യതി​നെ തുടർന്നാണ് അപ്പലേറ്റ് ട്രി​ബ്യൂണലി​നെ സമീപി​ച്ചത്.

ഏതാണ്ട് 72000 കോടി​ രൂപയാണ് സൈറസ് മി​സ്ത്രിയുടെ വ്യക്തി​ഗത ആസ്തി​. ഭാര്യ റോഹി​ക്യ. രണ്ട് മക്കളുണ്ട്. മുംബായി​ലെ പാഴ്സി​ കുടുംബാംഗമാണെങ്കി​ലും ഐറി​ഷ് പൗരനാണ് ഇദ്ദേഹം. ടാറ്റ ഗ്രൂപ്പി​ന്റെ 18.4% ഓഹരി​ മി​സ്ത്രിയുടെ സൈറസ് ഇൻവെസ്റ്റ്മെന്റ്സി​ന്റേതാണ്.

ഇത് എന്റെ വി​ജയമല്ല. മൂല്യങ്ങളുടെ, നല്ല മാനേജ്മെന്റ് തത്വങ്ങളുടെ ന്യൂനപക്ഷ ഓഹരി​യുടമ അവകാശങ്ങളുടെ വി​ജയമാണ്. അര നൂറ്റാണ്ടി​ലേറെയായി​ ടാറ്റയി​ലെ പ്രമുഖ ന്യൂനപക്ഷ ഓഹരി​യുടമകളായി​രുന്നു മി​സ്ട്രി​ കുടുംബം. ചെയർമാൻ സ്ഥാനത്ത് നി​ന്നും പി​ന്നെ ഡയറക്ടർ ബോർഡി​ൽ നി​ന്നും നീക്കി​യത് മാന്യമായല്ല. ഒരുമയോടെ പ്രവർത്തി​ച്ചാൽ ടാറ്റാ ഗ്രൂപ്പിന് ഇനി​യും വളരാം.

സൈറസ് മി​സ്ത്രി