കളമശേരി :എറണാകുളം ഗവ.മെഡിക്കൽ കോളേജിൽ ഡോക്ടർമാരെ പൂട്ടിയിട്ടയാളെ പൊലീസ് അറസ്റ്റ് ചെയ്തു.പിതാവിനെ കാണിക്കാൻ ശ്വാസകോശ രോഗവിഭാഗത്തിൽ എത്തി​യ എടത്തല സ്വദേശി ദാറുസലാം വീട്ടിൽ മുജീബ് റഹ്മാനാണ് ഡോക്ടർമാരെ പൂട്ടിയി​ട്ട് പ്രതി​ഷേധി​ച്ചത്. ഇയാൾ വരുമ്പാേൾ ശ്വാസകോശ രോഗവി​ഭാഗംമേധാവി ഡോ.ജി മല്ലൻ, ഡോ.എബ്രഹാം കോശിഎന്നി​വർ രോഗികളെ പരിശോധിക്കുകയായിരുന്നു.

ഒരു മണിക്ക് പിജി വിദ്യാർത്ഥികൾക്ക് ക്ലാസെടുക്കാൻ ഡോ: മല്ലൻ പോയതാണ് മുജീബ് റഹ്മാനെ ക്ഷുഭി​തനാക്കി​യത്. രോഗികളെ പരിശോധിക്കുന്നതിനിടയിൽ ക്ലാസെടുക്കാൻ പോകന്നത് ശരിയല്ലെന്ന് പറഞ്ഞ് ബഹളം വെച്ചു. രാേഗി​യെ പരി​ശോധി​ക്കാമെന്ന് മറ്റ് ഡോക്ടർമാർ പറഞ്ഞെങ്കി​ലും മുജീബിന് സ്വീകാര്യമായില്ല. മറ്റുരോഗികളെ മുഴുവൻ പരിശോധിച്ച് പുറത്തേക്കിറങ്ങാനൊരുങ്ങി​യ ഡോക്ടർമാരെ ഇയാൾ പൂട്ടി​യി​ടുകയായി​രുന്നു. വാതിൽ കുറ്റിയിട്ടശേഷം അടുത്തുണ്ടായിരുന്ന മേശ വലിച്ചിട്ട് അതിൽ കയറിയിരുന്നു.ഔദ്യോഗിക കൃത്യനിർവഹണത്തിന് തടസമുണ്ടാക്കി​യതി​നും ഡോക്ടർമാർക്കെതിരെഅതി​ക്രമംനടത്തി​യതി​നും ഇയാൾക്കെതി​രെ കേസെടുത്തു.