നെടുമ്പാശേരി: നെടുമ്പാശേരി മേഖല മഹല്ല് കോ ഓർഡിനേഷൻ കമ്മിറ്റി നാളെ പൗരാവകാശ സംരക്ഷണ റാലി സംഘടിപ്പിക്കും. വൈകിട്ട് നാലിന് പാലപ്രശേരി ജുമാ മസ്ജിദിൽ നിന്നാരംഭിച്ച് കുന്നുകരയിൽ സമാപിക്കും. പൊതുസമ്മേളനം ജസ്റ്റിസ് കെമാൽ പാഷ ഉദ്ഘാടനം ചെയ്യും. സി.ആർ. നീലകണ്ഠൻ, ഡോ. അബ്ദുൾ സലാം ഫൈസി അടിമാലി തുടങ്ങിയവർ സംസാരിക്കും. പാലപ്രശേരി, പറമ്പയം, മെയ്ക്കാട്, തുറവുംകര, കുന്നിശേരി, പനയക്കടവ്, അടുവാശേരി, വയൽകര വെസ്റ്റ്, വയൽകര ഈസ്റ്റ്, ചാലാക്കൽ, കുന്നുകര ജമാഅത്തുകളിൽ നിന്നുള്ളവർ പങ്കെടുക്കും.