ആലുവ: അൻവർ സാദത്ത് എം.എൽ.എയുടെ ആസ്തി വികസന ഫണ്ടിൽ നിന്നനുവദിച്ച 5.86 ലക്ഷം രൂപ ചെലവഴിച്ച് ചൂർണിക്കര പഞ്ചായത്ത് എട്ടാംവാർഡ് കൊച്ചിൻ ബാങ്ക് ജംഗ്ഷനിൽ സ്ഥാപിച്ച 12 മീറ്റർ ഹൈമാസ്റ്റ് ലൈറ്റിന്റെ സ്വിച്ച് ഓൺ അൻവർ സാദത്ത് എം.എൽ.എ നിർവഹിച്ചു. പഞ്ചായത്തു പ്രസിഡന്റ് കെ.എ. ഹാരീസ് അദ്ധ്യക്ഷത വഹിച്ചു. വൈസ് പ്രസിഡന്റ് ബീന അലി, വാർഡ് മെമ്പർ ലിനേഷ് വർഗീസ്, ബാബു പുത്തനങ്ങാടി, ബ്ലോക്ക് പഞ്ചായത്ത് മെമ്പർ സി.പി. നൗഷാദ്, പഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്‌സൺ രാജി സന്തോഷ് എന്നിവർ സംസാരിച്ചു.