മൂവാറ്റുപുഴ: ജില്ലാ ക്ഷീരസംഗമത്തോടനുബന്ധിച്ച് നടന്ന കന്നുകാലി പ്രദർശനം ശ്രദ്ധേയമായി. ക്ഷീര വികസന വകുപ്പിന്റെയും, ജില്ലയിലെ ക്ഷീര സഹകരണ സംഘങ്ങളുടെയും, തദ്ദേശ സ്വയംഭരണ സ്ഥാപനങ്ങളുടെയും, മിൽമ, കേരള ഫീഡ്‌സ്, വിവിധ ധനകാര്യ സ്ഥാപനങ്ങൾ എന്നിവയുടെ സംയുക്താഭിമുഖ്യത്തിലാണ് കല്ലൂർക്കാട് കന്നുകാലി പ്രദർശനം നടന്നത്. 23 കറവ പശുക്കളും, 24 കന്നുകുട്ടികളും, 24 കിടാരികളും, അഞ്ച് നാടൻ പശുക്കളും പങ്കെടുത്തു. കറവ പശു വിഭാഗത്തിൽ കല്ലൂർക്കാട് പുത്തൻപുരയ്ക്കൽ സജി ജനാർദ്ദനന്റെ എച്ച്.എപ്പ് ഇനത്തിൽ പെട്ട പശു ഒന്നാം സ്ഥാനം നേടി. കൂത്താട്ടുകുളം അമ്പാട്ട് കുഞ്ഞഗസ്തിയുടെ പശു രണ്ടാം സ്ഥാനവും, വാഴക്കുളം താനിക്കൽ റിജു സെബാസ്റ്റ്യന്റെ പശു മൂന്നാം സ്ഥാനവും നേടി. നാടൻ പശുക്കളുടെ വിഭാഗത്തിൽ കല്ലൂർക്കാട് പേപ്പതിയിൽ പി.വി.ജോസഫിന്റെ പശുവിന് ഒന്നാം സ്ഥാനവും, കല്ലൂർക്കാട് വട്ടകുഴിയിൽ പയസ് ജോസഫിന്റെ പശുവിന് രണ്ടാം സ്ഥാനവും, കല്ലൂർക്കാട് പുത്തൻപുരയ്ക്കൽ രതീഷിന്റെ പശുവിന് മൂന്നാം സ്ഥാനവും നേടി. കന്നുകുട്ടി വിഭാഗത്തിൽ ആനിക്കാട് നാറാണത്ത് വിജയന്റെ കന്നുകുട്ടി ഒന്നാം സ്ഥാനവും, മടക്കത്താനം പാലത്തിങ്കൽ അജേഷ് രാജന്റെ കന്നുകുട്ടി രണ്ടാം സ്ഥാനവും, വാളകം കദളിക്കാട് കെ.എം.പൈലിയുടെ കന്നുകുട്ടി മൂന്നാം സ്ഥാനവും കരസ്ഥമാക്കി. അയ്യൻകോലിൽ ജോയി ജോസഫ്, കല്ലിങ്കൽ കെ.കെ.സിജു, വാണിയംപ്ലാക്കൽ വർക്കി, കടയ്‌ക്കോട് ദേവദാസ് എന്നിവരുടെ കന്നുകുട്ടികൾക്ക് പ്രോത്സാഹന സമ്മാനവും ലഭിച്ചു. കിടാരി വിഭാഗത്തിൽ കല്ലൂർക്കാട് പുത്തൻപുരയിൽ സജി ജനാർദ്ധനന്റെ കിടാരി ഒന്നാം സ്ഥാനവും, വാഴക്കുളം മുതുകുന്നേൽ സിബി ജോസിന്റെ കിടാരി രണ്ടാം സ്ഥാനവും, കല്ലൂർക്കാട് നെടുംകല്ലേൽ പയസ് ജോസിന്റെ കിടാരി മൂന്നാം സ്ഥാനവും നേടി. ആനിക്കാട് നാറാണത്ത് വിജയൻ, കാലാമ്പൂർ കുഞ്ചാട്ട് റസ് ലിം, നാഗപ്പുഴ ആനിക്കുഴിയിൽ സന്തോഷ്, കല്ലൂർക്കാട് മുണ്ടയ്ക്കൽ ലിപിക ബേബി എന്നിവരുടെ കിടാരികൾക്ക് പ്രോത്സാഹന സമ്മാനവും ലഭിച്ചു. ഒന്നും, രണ്ടും മൂന്നും സ്ഥാനം നേടിയവർക്കുള്ള സമ്മാനം 21ന് മൂവാറ്റുപുഴ മുനിസിപ്പൽ ടൗൺ ഹാളിൽ നടക്കുന്ന പൊതുസമ്മേളനത്തിൽ വിതരണം ചെയ്യും.