കൊച്ചി: പൗരത്വ ഭേദഗതി ബില്ലിന്റെ പേരിൽ രാജ്യത്ത് നടക്കുന്ന അക്രമങ്ങൾ തടയണമെന്ന് ബി.ഡി.ജെ.എസ് ജില്ലാ ജനറൽ സെക്രട്ടറി അഡ്വ. ശ്രീകുമാർ തട്ടാരത്ത് പറഞ്ഞു. ബി.ഡി.ജെ.എസ് എറണാകുളം മണ്ഡലം കമ്മിറ്റി പ്രസിദ്ധീകരിച്ച തുഷാർ വെള്ളാപ്പള്ളി എഴുതിയ പോരാട്ടങ്ങൾ തുടങ്ങിയിട്ടേയുള്ളൂ എന്ന ലഘുലേഖ പ്രകാശന ചടങ്ങ് ഉദ്ഘാടനം ചെയ്യുയകായിരുന്നു അദ്ദേഹം. ചടങ്ങിൽ മണ്ഡലം പ്രസിഡന്റ് കെ.കെ. പീതാംബരൻ അദ്ധ്യക്ഷത വഹിച്ചു. ബി.ജെ.പി മണ്ഡലം പ്രസിഡന്റ് സി.ജി. രാജഗോപാൽ കലൂർ എ.സി.എസ് സ്‌കൂൾ മാനേജർ പി.ഐ. തമ്പിക്ക് ലഘുലേഖ നൽകി പ്രകാശനം ചെയ്‌തു. മണ്ഡലം ഭാരവാഹികളായ അർജുൻ ഗോപിനാഥ്, ബി. അശാകൻ, ആലുവ മണ്ഡലം പ്രസിഡന്റ് വിജയൻ നെടുമ്പാശേരി, വി.എസ്. രാജേന്ദ്രൻ, എം.വി.വിജയൻ, വി.ജെ.സോജൻ, പി.എൻ.ജഗദീശൻ, ബീന നന്ദകുമാർ, മിനി കിഷോർ കുമാർ, മേദിനി, കെ.സി.വിജയൻ, വിജയൻ നെരിശാന്തറ എന്നിവർ പ്രസംഗിച്ചു.