മൂവാറ്റുപുഴ: സമഗ്ര സംഭാവനക്കുള്ള കേരള സാഹിത്യ അക്കാദമിയുടെ അവാർഡ് വിവരം അറിഞ്ഞ എഴുത്തുകാരി നളിനി ബേക്കൽ ആദ്യം ഓർത്തത് രാമുകാര്യാട്ടിനെയാണ്. 'തുരുത്ത്' നോവൽ എനിക്കു തരണമെന്ന കാര്യാട്ടിന്റെ കത്തി​ലെ വരി​കൾ നളിനിയുടെ ഓർമ്മയിൽ എപ്പോഴും തി​ളങ്ങി​ നി​ൽക്കുന്നു.

ചെമ്മീനുശേഷം കർണാടകത്തിൽ മലങ്കാറ്റെന്ന സിനിമയുടെ ഷൂട്ടിംഗ് തിരക്കുകൾക്കിടയിലാണ് തന്നെ വല്ലാതെ ആകർഷിച്ച രാമുകാര്യാട്ടിന്റെ തുരുത്തിനെകുറിച്ചുളള കത്ത് എഴുത്തിൽ തുടക്കക്കാരിയായ തനിക്ക് ലഭിച്ചതെന്ന് നളിനി പറഞ്ഞു. തുരുത്തിന്റെ പാട്ടുകൾ റെക്കോഡു ചെയ്താണ് ചിത്രാഞ്ജലി സ്റ്റുഡിയോ ഉദ്ഘാടനം ചെയ്തത്.

ഏറെക്കാലത്തി​ന് ശേഷം കൗമാരകാലത്തെ ഓർമ്മകളെ മിനുക്കിയെടുക്കുന്ന പുതി​യൊരു പുസ്തകത്തി​ന്റെ രചനയി​ലാണ് നളി​നി​.

കാസർകോട് ബേക്കലിൽ നിന്നും പായിപ്ര രാധാകൃഷ്ണന്റെ സഹധർമ്മണിയായി പായിപ്ര ഗ്രാമത്തിലേക്കെത്തി​യെങ്കി​ലും എഴുതാനിരിക്കുമ്പോൾ ബേക്കലിലെ കരിപ്പോടിക്കാരിയാകും ഈ വീട്ടമ്മ​.

നളിനിയുടെ ആദ്യ നോവൽ ഹംസഗാനമാണ്. തുരുത്ത്, കൃഷ്ണ, അമ്മദെെവങ്ങൾ, കണ്വതീർത്ഥം, ശിലാവനങ്ങൾ, ദേവവധു തുടങ്ങിയ നോവലുകളും, ഒറ്റക്കാലം, അമ്മയെ കണ്ടവരുണ്ടോ, എന്നീ കഥാസമാഹാരങ്ങളും, കുഞ്ഞിത്തെയ്യം ബാലസാഹിത്യകൃതിയും നളിനി ബേക്കലിന്റെ കൃതികളി​ൽ പെടുന്നു. ഇടശേരി അവാർഡ്, സ്റ്റേറ്റ് ബാങ്ക് നോവൽ അവാർഡ് , കേന്ദ്ര സാംസ്ക്കാരിക വകുപ്പ് ഫെല്ലോഷിപ്പ് എന്നിവയും നളിനിക്ക് ലഭിച്ചിട്ടുണ്ട്. .

പായിപ്രയിലെ അകത്തൂട്ട് വീട്ടിലെ അമ്മയായ ബേക്കലിന്റെ മകൾ അനുജയ്ക്ക് കേന്ദ്ര സാഹിത്യ അക്കാഡമി അവാർഡ് ലഭി​ച്ചി​ട്ടുണ്ട്. രണ്ട് മക്കൾ : ഡോ. അനുരാധ ( ഗവ.മെഡിക്കൽ ഓഫീസർ), ഡോ. അനുജ അകത്തൂട്ട് ( കേന്ദ്രകാർഷി​ക ഗവേഷണകേന്ദ്രം സയന്റിസ്റ്റ് ).