പെരുമ്പാവൂർ: എസ്.എൻ.ഡി.പി യോഗം കുന്നത്തുനാട് യൂണിയനിൽ കുണ്ഡലിനി പാട്ട് ആസ്പദമാക്കിയുള്ള മോഹിനിയാട്ട നൃത്താവിഷ്‌ക്കാരം ഏകാത്മകം മെഗാ ഇവന്റ് വേരിഫിക്കേഷൻ നടന്നു. യൂണിയൻ അഡ്മിനിസ്‌ട്രേറ്റീവ് കമ്മിറ്റി ചെയർമാൻ കെ.കെ കർണൻ ഉദ്ഘാടനം ചെയ്തു. അടുത്തമാസം18 ന് തൃശ്ശൂർ തേക്കിൻകാട് മൈതാനിയിലാണ് ലോക ഗിന്നസ് റെക്കോഡിൽ ഇടം തേടി നൃത്താവിഷ്ക്കാരം നടക്കുന്നത്. കുന്നത്തുനാട് യൂണിയനിൽ നിന്നും 200 പേരെയാണ് പങ്കെടുപ്പിക്കുന്നത്. വനിതാ സംഘം കേന്ദ്രസമിതി പ്രസിഡന്റ് കെ.പി. കൃഷ്ണകുമാരി, വൈസ് പ്രസിഡന്റ് ഷീബ ടീച്ചർ, ഏകാത്മകം മെഗാഇവന്റ് നൃത്ത്യാധ്യാപിക കലാമണ്ഡലം ഡോ. ധനുഷാ സന്യാൽ, യൂണിയൻ അഡ്മിനിസ്ട്രേറ്റീവ് കമ്മിറ്റി കൺവീനർ സജിത് നാരായണൻ, കമ്മ​റ്റി അംഗം എം എ രാജു എന്നിവർ പങ്കെടുത്തു . ഡോ. ധനുഷാ സന്യാൽ നൃത്ത പരിശീലനം നൽകി. യൂണിയൻ വനിതാ സംഘം പ്രസിഡന്റ് ജയ ഗോപാലകൃഷ്ണൻ, സെക്രട്ടറി ഇന്ദിര ശശി, സൈബർസേന കേന്ദ്രസമതിയംഗം ജിനേഷ് കാക്കനാട്, യൂണിയനിലെ ഡാൻസ് പരിശീലകരായ അമ്പിളി ബിജു, പ്രവിത സുനിൽ എന്നിവർ സന്നിഹിതരായിരുന്നു.