കൊച്ചി: പൗരത്വ നിയമത്തിനെതിരെ നടക്കുന്ന പ്രക്ഷോഭ പരിപാടികൾക്ക് ഐക്യദാർഢ്യം പ്രകടിപ്പിച്ച് ചലച്ചിത്രസാംസ്‌കാരിക പ്രവർത്തകരുടെ കൂട്ടായ്മമാർച്ച് നടത്തി.രാജേന്ദ്ര മൈതാനിയിലെ ഗാന്ധി സ്‌ക്വയറിൽ നിന്ന് ഫോർട്ട് കൊച്ചി വാസ്‌കോ സ്‌ക്വയറിലേക്ക് നടന്നകളക്ടീവ് ഫേസ്‌വൺ ലോംഗ് മാർച്ച് ഭരണഘടനയുടെ ആമുഖം വായിച്ച് എഴുത്തുകാരൻ എൻ.എസ് മാധവൻ ഉദ്ഘാടനം ചെയ്തു. നടിമാരായ നിമിഷാ സജയൻ, റീമ കല്ലിങ്കൽ, അനാർക്കലി മരിക്കാർ, അർച്ചന പത്മിനി, നടൻമാരായ ഷെയ്ൻ നിഗം, മണികണ്ഠൻ, സംവിധായകരായ കമൽ, രാജീവ് രവി, ആഷിക് അബു, ഗീതു മോഹൻദാസ്, എഴുത്തുകാരനായ ഉണ്ണി ആർ, സംഗീത സംവിധായകൻ ഷഹബാസ് അമൻ, രഞ്ജിനി ഹരിദാസ്, രശ്മി സതീഷ്, തിരക്കഥാകൃത്ത് ശ്യാം പുഷ്കരൻ, ഛായാഗ്രഹകൻ വേണു, വി എം ഗിരിജ, അൻവർ അലി, എൻ.എം പിയേഴ്‌സൺ, സി.ആർ നീലകണ്ഠൻ, ബോണി തോമസ്, എസ് ഹരീഷ് തുടങ്ങിയവർ പങ്കെടുത്തു.

എം.ജി റോഡ്, രവിപുരം, തേവര, തോപ്പുംപടി വഴി ഫോർട്ട് കൊച്ചിയിലാണ് മാർച്ച് സമാപിച്ചത്. തുടർന്ന് വാസ്‌കോ സ്‌ക്വയറിൽ നടന്ന സംഗീത സദസിൽ ഊരാളി, ഷഹബാസ് അമൻ, കരിന്തലക്കൂട്ടം, രശ്മി സതീഷ് എന്നിവർ ഗാനങ്ങൾ ആലപിച്ചു.

പീപ്പിൾസ് ലോംഗ് മാർച്ചുമായി

ഫേസ്ബുക്ക് കൂട്ടായ്മ

പൗരത്വ നിയമ ഭേദഗതിക്കെതിരെ ഫേസ്ബുക്ക് കൂട്ടായ്മ സംഘടിപ്പിച്ച പീപ്പിൾസ് ലോംഗ് മാർച്ച് കലൂർ സ്റ്റേഡിയത്തിൽ നിന്ന് തുടങ്ങി കൊച്ചിൻ ഷിപ്പ് യാർഡ് പരിസരത്ത് സമാപിച്ചു. സ്ത്രീകളുടെ പങ്കാളിത്തം മാർച്ചിനെ വേറിട്ടതാക്കി. വി.ടി ബൽറാം എം.എൽ.എ, എഴുത്തുകാരി കെ.ആർ മീര, സിനിമ താരങ്ങളായ റിമ കല്ലിങ്കൽ, ബിനീഷ് ബാസ്റ്റിൻ, ലാലി പി.എം, രാജേഷ് ശർമ. ജോളി ചിറയത്ത് എന്നിവർ പങ്കെടുത്തു.