കൊച്ചി: എല്ലാ വകുപ്പുകളിലെയും ശുചീകരണ ,സെക്യൂരിറ്റി ജോലികളുടെ ഒഴിവുകൾ എംപ്ളോയ്‌മെന്റ് എക്സ്ചേഞ്ച് മുഖേന റിപ്പോർട്ട് ചെയ്തു നിയമനം നടത്തണമെന്ന് ഡിവിഷണൽ എംപ്ളോയ്‌മെന്റ് ഓഫീസർ അറിയിച്ചു. ഇതുസംബന്ധിച്ച് കുടുംബശ്രീ, കെക്‌സോൺ എന്നീ സ്ഥാപനങ്ങളുമായി നിലവി​ലുണ്ടായിരുന്ന വാർഷിക കരാർ റദ്ദാക്കികൊണ്ടാണ് സർക്കാർ പുതിയ നിർദ്ദേശം നൽകിയത്. പി.എസ്.സിയുടെ പരിധിയിൽ വരാത്ത എല്ലാ ഒഴിവുകളും പി.എസ്.സിയുടെ പരിധിയിൽ വരുന്ന റാങ്ക് ലിസ്റ്റ് നിലവിലില്ലാത്ത എല്ലാ ഒഴിവുകളും ഇനിമുതൽ എംപ്ളോയ്മെന്റ് എക്ചേഞ്ച് വഴി നികത്തും.