മൂവാറ്റുപുഴ: തിരുവനന്തപുരത്ത് നടന്ന 39-ാമത് മാസ്റ്റേഴ്സ് അത്‌ലറ്റിക് സംസ്ഥാന മീറ്റിൽ മൂവാറ്റുപുഴ സ്വദേശി ഫെസ്സി മോട്ടിക്ക് മൂന്ന് സ്വർണ്ണ മെഡലുകളുമായി സംസ്ഥാന ചമ്പ്യനായി. 45-50 വിഭാഗത്തിൽ ഷോട്ട് പുട്ട്, ജാവലിൻ ത്രോ, ഹാമർ ത്രോ എന്നീ മത്സരങ്ങളിലാണ് മെഡലുകൾ നേടിയത്. 2020 ഫെബ്രുവരി ഒമ്പത് മുതൽ 14 വരെ മണിപ്പൂരിലെ ഇംഫാലിൽ നടക്കുന്ന 41-ാമത് നാഷണൽ മാസ്റ്റേഴ്സ് അത്‌ലറ്റിക് ചാമ്പ്യൻഷിപ്പിൽ പങ്കെടുക്കാൻ ഫെസ്സി മോട്ടി അർഹത നേടി. 2017 ലും, 2018 ലും ഷോട്ട് പുട്ട്, ജാവലിൻ ത്രോ, ഹാമർ ത്രോ എന്നീ മത്സരങ്ങളിൽ ചാമ്പ്യനാണ്. 2019 നവംമ്പറിൽ മലേഷ്യയിൽ നടന്ന ഏഷ്യൻ മാസ്റ്റേഴ്‌സ് മത്സരത്തിൽ ഹാമർ ത്രോയിൽ നലാം സ്ഥാനവും, ജാവലിൻ ത്രോയിൽ ഏഴാം സ്ഥാനവും, ഷോട്ട് പുട്ടിൽ ഒമ്പതാം സ്ഥാനവും ഇന്ത്യക്ക് വേണ്ടി നേടി കൊടുത്തു. അന്തരിച്ച മുൻ കോൺഗ്രസ് നേതാവ് പി.പി.മോട്ടിയുടെ ഭാര്യയും, മൂവാറ്റുപുഴയിൽ പിങ്ക് ടെച്ച് ബ്യൂട്ടി ബാർലറും, ബ്യൂട്ടി കോളേജും നടത്തിവരുന്ന ഫെസ്സി മോട്ടി മൂവാറ്റുപുഴയിലും പരിസര പ്രദേശങ്ങളിലും അത്‌ലറ്റിക്‌സിലും പഞ്ചഗുസ്തിയിലും പരിശീലനം നൽകി വരുന്നു.