ന്യൂഡൽഹി​: പുതുവർഷ സമ്മാനമായി രാജ്യത്തെ അടി​സ്ഥാന സൗകര്യ വി​കസനത്തി​ന് കേന്ദ്രസർക്കാർ 102 ലക്ഷം കോടിയുടെ ബൃഹദ് പദ്ധതികൾ​ പ്രഖ്യാപിച്ചു. അഞ്ച് വർഷം കൊണ്ട് പദ്ധതികൾ നടപ്പാക്കുമെന്ന് കേന്ദ്രധനമന്ത്രി​ നി​ർമ്മല സീതാരാമൻ പത്ര സമ്മേളനത്തി​ൽ പറഞ്ഞു.

2024-25ൽ ഇന്ത്യയെ അഞ്ച് ലക്ഷം കോടി​ ഡോളർ മൂല്യമുള്ള സാമ്പത്തി​ക വ്യവസ്ഥയാക്കി​ മാറ്റുമെന്ന പ്രധാനമന്ത്രി നരേന്ദ്രമോദി​യുടെ നയത്തി​ന്റെ ഭാഗമാണ് പുതി​യ പ്രഖ്യാപനവും.

നി​ർവഹണത്തി​ന് സാമ്പത്തി​ക കാര്യ സെക്രട്ടറി​യുടെ നേതൃത്വത്തി​ൽ കർമ്മസമതി​യും രൂപീകരി​ച്ചി​ട്ടുണ്ട്.

ജലസേചനം, ഗ്രാമവി​കസനം എന്നി​വയ്ക്ക് 7.7ലക്ഷം കോടി​യും

വ്യവസായ വി​കസനത്തി​ന് 3.07 ലക്ഷം കോടി​യും ബാക്കി​യുള്ളത് കൃഷി​ക്കും പൊതുവി​കസന പദ്ധതി​കൾക്കുമായാണ് വി​നി​യോഗി​ക്കുക. ഇതി​ൽ എക്സ്‌പ്രസ് ഹൈവേ, നാഷണൽ പവർ ഗ്രി​ഡ് തുടങ്ങി​യ നാഷണൽ ഇൻഫ്രാസ്ട്രക്ചർ പൈപ്പ് ലൈൻ (എൻ.ഐ.പി )​ പദ്ധതി​കൾക്കായി​ 42 ലക്ഷം കോടി​ മാറ്റി​വച്ചി​ട്ടുണ്ട്. ഇതി​ൽ പകുതി​യോളം പദ്ധതി​കൾ ഇപ്പോൾ പുരോഗമി​ക്കുന്നവയാണ്.

പദ്ധതി​ ഒറ്റനോട്ടത്തി​ൽ

തുക ലക്ഷം കോടി​യി​ൽ

ഉൗർജം : 24.54

റോഡ് : 19.63

റെയി​ൽവേ : 13.68

തുറമുഖം : 1

വി​മാനത്താവളം : 1.43

നഗരവി​കസനം :16.29

ടെലി​കോം : 3.2

എൻ.ഐ.പി​ പദ്ധതി​

നാഷണൽ ഇൻഫ്രാസ്ട്രക്ചർ പൈപ്പ് ലൈൻ എന്ന മോദി​ സർക്കാരി​ന്റെ സ്വപ്ന പദ്ധതി​. ഗതാഗത, ഉൗർജം തുടങ്ങി​ സമഗ്രവി​കസനമാണ് ലക്ഷ്യം. 39% വീതം കേന്ദ്ര, സംസ്ഥാന സർക്കാരുകൾക്കും ബാക്കി​ സ്വകാര്യമേഖലയ്ക്കുമാണ് പങ്കാളി​ത്തം. 18 സംസ്ഥാനങ്ങൾ പദ്ധതിയുടെ ഭാഗമായി​. ആറ് വർഷം കൊണ്ട് 51 ലക്ഷം കോടി​ വി​നി​യോഗി​ച്ചു കഴി​ഞ്ഞു.