ഇടുക്കി : കഞ്ഞിക്കുഴി ഗവ.ഐ.ടി.ഐയിൽ എംപ്ലോയബിലിറ്റി സ്‌കിൽ ട്രേഡിൽ ഗസ്റ്റ് ഇൻസ്ട്രക്ടർ ഒഴിവിലേക്ക് അപേക്ഷ ക്ഷണിച്ചു. യോഗ്യത എം.ബി.എ/ ബി.ബി.എയും രണ്ട് വർഷത്തെ പ്രവൃത്തി പരിചയവും അല്ലെങ്കിൽ സോഷ്യോളജി / സോഷ്യൽ വെൽഫെയർ/ഇക്കണോമിക്സിൽ ഗ്രാജുവേഷനും രണ്ട് വർഷത്തെ പ്രവൃത്തിപരിചയവും അല്ലെങ്കിൽ എംപ്ലോയബിലിറ്റി സ്‌കിൽ വിഷയത്തിൽ ഡി.ജി.ഇ.റ്റിയിൽ നിന്നുള്ള പരിശീലനവും, ഡിപ്ലോമ/ ഗ്രാജുവേഷനും രണ്ട് വർഷത്തെ പ്രവൃത്തിപരിചയവും. കൂടാതെ 12/ ഡിപ്ലോമ തലത്തിലോ ശേഷമോ ഇംഗ്ലീഷ്/ കമ്മ്യൂണിക്കേഷൻ സ്‌കിൽ, ബേസിക് കമ്പ്യൂട്ടർ എന്നിവ നിർബന്ധമായും പഠിച്ചിരിക്കണം. ബന്ധപ്പെട്ട ട്രേഡുകളിൽ ക്രാഫ്റ്റ് ഇൻസ്ട്രക്ടർ സർട്ടിഫിക്കറ്റുള്ള ഉദ്യോഗാർത്ഥികൾക്ക് മുൻഗണന. നിശ്ചിത യോഗ്യതയുള്ള ഉദ്യോഗാർത്ഥികൾ നാളെ രാവിലെ 11ന് കഞ്ഞിക്കുഴി ഗവ. ഐ.ടി.ഐ പ്രിൻസിപ്പാൾ മുമ്പാകെ എല്ലാ അസ്സൽ സർട്ടിഫിക്കറ്റുകളും പകർപ്പുകളുമായി ഇന്റർവ്യൂവിന് ഹാജരാകണം. വിവരങ്ങൾക്ക് ഫോൺ 04862 238038.