തൊടുപുഴ : എസ്.എൻ.ഡി.പി യോഗം തൊടുപുഴ യൂണിയന്റെ ആഭിമുഖ്യത്തിൽ വെങ്ങല്ലൂർ ചെറായിക്കൽ ശ്രീ സുബ്രഹ്മണ്യസ്വാമി ക്ഷേത്രത്തിൽ നിന്നും ശിവഗിരി തീർത്ഥാടന പദയാത്ര 23 ന് ആരംഭിക്കും. 31 ന് സമാപിക്കും. 23 ന് ഉച്ചകഴിഞ്ഞ് 2 ന് ചെറായിക്കൽ ശ്രീ സുബ്രഹ്മണ്യസ്വാമി ക്ഷേത്രാങ്കണത്തിൽ നടക്കുന്ന പദയാത്രയുടെ ഉദ്ഘാടനം യോഗം വൈസ് പ്രസിഡന്റ് തുഷാർ വെള്ളാപ്പള്ളി നിർവഹിക്കും. ഭദ്രദീപ പ്രകാശനം ക്ഷേത്രം മേൽശാന്തി വൈക്കം ബെന്നി ശാന്തി നിർവഹിക്കും. എസ്.എൻ.ഡി.പി യോഗം തൊടുപുഴ യൂണിയൻ ചെയർമാൻ എ.ജി തങ്കപ്പൻ അദ്ധ്യക്ഷത വഹിക്കും.പദയാത്രാ ക്യാപ്‌റ്റൻ വി.ജയേഷ് ധർമ്മ പതാക ഏറ്റുവാങ്ങും. മഹാദേവാനന്ദ സ്വാമി(ശിവഗിരിമഠം) അനുഗ്രഹ പ്രഭാഷണം നടത്തും. തൊടുപുഴ യൂണിയൻ വൈസ് ചെയർമാൻ ഡോ. കെ.സോമൻ, യോഗം ഡയറക്ടർബോർഡ് മെമ്പർ ഷാജി കല്ലാറയിൽ, എസ്.എൻ.ഡി.പി യോഗം വിദ്യാഭ്യാസ സെക്രട്ടറി സി.പി സുദർശനൻ എന്നിവർ തീർത്ഥാടന സന്ദേശം നൽകും. എസ്.എൻ ട്രസ്റ്റ് ബോർഡ് മെമ്പർ ഇന്ദു സുധാകരൻ, വനിതാസംഘം യൂണിയൻ പ്രസിഡന്റ് പൊന്നമ്മ രവീന്ദ്രൻ, യൂത്ത് മൂവ്‌മെന്റ് യൂണിയൻ പ്രസിഡന്റ് സന്തോഷ്.പി.ജെ, എംപ്‌ളോയിസ് ഫോറം പ്രസിഡന്റ് കെ.പി സന്തോഷ്, യൂണിയൻ സൈബർ സേന ചെയർമാൻ സതീഷ് വണ്ണപ്പുറം, കുമാരിസ ംഘം യൂണിയൻ പ്രസിഡന്റ് അശ്വതി സോമൻ, വനിതാസംഘം യൂണിയൻ സെക്രട്ടറി മൃദുല വിശ്വംഭരൻ, യൂത്ത് മൂവ്‌മെന്റ് യൂണിയൻ സെക്രട്ടറി ശരത് ചന്ദ്രൻ, എംപ്‌ളോയിസ് ഫോറം സെക്രട്ടറി അജിമോൻ ചിറയ്ക്കൽ, വൈദീക സമിതി യൂണിയൻ സെക്രട്ടറി കെ.എൻ രാമചന്ദ്രൻ ശാന്തി, കുമാരിസംഘം യൂണിയൻ സെക്രട്ടറി അപർണ്ണ ബിജു എന്നിവർ സംസാരിക്കും.