മൂന്നാർ : നീർച്ചാലുകൾ വീണ്ടെടുക്കുന്ന ഇനി ഞാൻ ഒഴുകട്ടെ പദ്ധതിക്ക് മൂന്നാറിൽ തുടക്കമായി. പരിപാടിയുടെ ജില്ലാതല ഉദ്ഘാടനം എസ് രാജേന്ദ്രൻ എം എൽ എ നിർവ്വഹിച്ചു. മൂന്നാർ ടൗണിലൂടെ ഒഴുകുന്ന മുതിരപ്പുഴയാറിന്റെ ശുചീകരണ പ്രവർത്തനമാണ് പദ്ധതിയുടെ പ്രാരംഭഘട്ടത്തിൽ നടത്തിയത്. ജനപ്രതിനിധികൾ, കുടുംബശ്രീ, തൊഴിലുറപ്പ് അംഗങ്ങൾ, ഉദ്യോഗസ്ഥർ, തുടങ്ങിയവരുടെ സഹകരണത്തോടെ മുതിരപ്പുഴയാറിലെ മാലിന്യങ്ങൾ നീക്കം ചെയ്തു. പുഴയിൽ ഇറങ്ങിയുള്ള ശുചീകരണ പ്രവർത്തനങ്ങളാണ് നടന്നത്. സംസ്ഥാന സർക്കാരിന്റെ ഹരിത കേരള മിഷൻ പദ്ധതിയിൽ ഉൾപ്പെടുത്തി ഗ്രാമപഞ്ചായത്തിന്റെ സഹകരണത്തോടെയാണ് പരിപാടി സംഘടിപ്പിച്ചത്. ദേവികുളം സബ് കളക്ടർ പ്രേം കൃഷ്ണൻ,ഡിവൈഎസ്പി രമേശ് കുമാർ, മൂന്നാർ പഞ്ചായത്ത് പ്രസിഡന്റ് ആർ കറുപ്പസ്വാമി ജനപ്രതിനിധികൾ ,ഉദ്യോഗസ്ഥർ തുടങ്ങി യവർ പങ്കെടുത്തു.