അക്കാമ്മ ചെറിയാൻ സാംസ്‌ക്കാരിക സമുച്ചയം ആലോചന യോഗം 26ന്

വാഗമൺ: അഡ്വഞ്ചർ ടൂറിസം പാർക്ക് 24ന് രാവിലെ 10 തുറക്കുമെന്ന് കളക്ടർ എച്ച്. ദിനേശൻ അറിയിച്ചു. പീരുമേട് നിയോജകമണ്ഡലത്തിലെ വിവിധ പദ്ധതികളുടെ പ്രവർത്തന പുരോഗതി വിലയിരുത്തുന്നതിന് ഇ.എസ് ബിജിമോൾ എംഎൽഎ കളക്ടറുടെ ചേമ്പറിൽ വിളിച്ചു ചേർത്തയോഗത്തിൽ അദ്ധ്യക്ഷത വഹിച്ചു സംസാരിക്കുകയായിരുന്നുകളക്ടർ. കേരളത്തിലെ സ്ത്രീ മുന്നേറ്റ ചരിത്രത്തിലേയും രാഷ്ട്രീയ രംഗത്തേയും ഉജ്ജ്വല വ്യക്തിത്വമായിരുന്ന അക്കാമ്മ ചെറിയാന്റെ സ്മരാണാർത്ഥം ജില്ലയിലെ കുട്ടിക്കാനത്ത്് അനുവദിച്ചിട്ടുള്ള സാംസ്കാരിക സമുച്ചയത്തിന്റെ നിർമ്മാണ പ്രവർത്തനം ആരംഭിക്കുന്നത് സംബന്ധിച്ച് ചർച്ചചെയ്യുന്നതിന് സാംസ്‌കാരിക വകുപ്പ് ഡയറക്ടറുടെ അദ്ധ്യക്ഷതയിൽ 26 ന് രാവിലെ 11 ന് പീരുമേട് താലൂക്ക് ഓഫീസിൽ സാംസ്‌കാരിക പ്രവർത്തകരുടേയും ജനപ്രതിനിധികളുടേയും രാഷ്ട്രീയ പ്രമുഖരുടേയും യോഗം ചേരും. മാലിന്യം ഉറവിടത്തിൽത്തന്നെ സംസ്‌ക്കരിക്കുന്നതിനുള്ള സൗകര്യം എല്ലാ വിനോദ സഞ്ചാരകേന്ദ്രങ്ങളിലും പ്രധാന മാലിന്യ ഉറവിട കേന്ദ്രങ്ങളിലും സ്ഥാപിക്കുവാൻ നടപടി കൈക്കൊള്ളും. സഞ്ചാരികളെ ആകർഷിക്കുന്നതിന് വിനോദ സഞ്ചാര കേന്ദ്രങ്ങളിലെ അടിസ്ഥാന സൗകര്യം വികസിപ്പിക്കുന്നതിനായി റിഫ്രഷ്‌മെന്റ്് കം കംഫർട്ട് സ്റ്റേഷൻ എല്ലാ കേന്ദ്രങ്ങളിലും ആരംഭിക്കാനും പദ്ധതിയുണ്ടെന്നും ജില്ലാ കളക്ടർ അറിയിച്ചു. ലൈഫ് പദ്ധതി, മാലിന്യ സംസ്‌ക്കരണ പ്ലാന്റ്് തുടർ പ്രവർത്തനം, സത്രം, മൊട്ടക്കുന്ന്, അരുവിക്കുഴി, പരുന്തുംപാറ, പാഞ്ചാലിമേട് എന്നീ ടൂറിസം പദ്ധതികളുടെയും എംഎൽഎയുടെ എസ്ഡിഎഫ്, എഡിഎഫ്, പ്രളയ പുനർനിർമ്മാണ പ്രവർത്തനങ്ങളുടെ അവലോകനവും കളക്ടറുടെ ചേമ്പറിൽ ചേർന്ന യോഗത്തിൽ നടത്തി. വണ്ടിപ്പെരിയാർ ഗ്രാമ പഞ്ചായത്ത് പ്രസിഡന്റ് ശാന്തി ഹരിദാസ്, ഏലപ്പാറ ഗ്രാമ പഞ്ചായത്ത് പ്രസിഡന്റ് ആർ രാജേന്ദ്രൻ, ജില്ലാ ഇൻഫർമേഷൻ ഓഫീസർ എൻ. സതീഷ് കുമാർ, ടൂറിസം ഡെപ്യൂട്ടി ഡയറക്ടർ തോമസ് ആന്റണി തുടങ്ങിയവർ പങ്കെടുത്തു.