വണ്ടിപ്പെരിയാർ: ശ്രീനാരായണ ട്രസ്റ്റ് ആർട്‌സ് ആൻഡ് സയൻസ് കോളേജ് എൻ.എസ്.എസ് യൂണിറ്റ് സപ്തദിനക്യാമ്പ് - സുവർണം 2019-ന് തുടക്കമായി. വണ്ടിപ്പെരിയാർ പഞ്ചായത്ത് ഹയർ സെക്കൻഡറി സ്‌കൂളിൽ കോവിൽമല രാജാവ് രാമൻ രാജമന്നാൻ ക്യാമ്പിന്റെ ഉദ്ഘാടനം നിർവഹിച്ചു. 'നവകേരള സൃഷ്ടിക്കായി യുവാക്കളുടെ പങ്ക്' എന്നതാണ് സപ്തദിന ക്യാമ്പിന്റെ മുഖ്യപ്രമേയം. ക്യാമ്പിന്റെ തുടർന്നുള്ള ദിവസങ്ങളിൽ പ്ലാസ്റ്റിക് നിർമാർജന ലക്ഷ്യവുമായി ഇക്കോപെൻ നിർമാണം, വിദ്യാർത്ഥികളിൽ കാർഷിക സംസ്‌കാരത്തിന്റെ പ്രാധാന്യം ഊട്ടിയുറപ്പിക്കാൻ 'കർഷകൻ ആദ്യം' എന്നപേരിൽ ക്ലാസും കർഷകരെ ആദരിക്കലും 25 കുടുംബങ്ങൾക്ക് അടുക്കളത്തോട്ടം നിർമിച്ചുനൽകുന്ന 'എന്റെ അടുക്കളയ്ക്ക് എന്റെ തോട്ടം' പദ്ധതി , എക്‌സൈസ് ഡിപ്പാർട്‌മെന്റുമായി സഹകരിച്ച് ലഹരിവർജന ബോധവത്കരണ ക്ലാസും റാലിയും, വണ്ടിപ്പെരിയാർ താലൂക്ക് ആശുപത്രിയുടെ സഹകരണത്തോടെ മെഡിക്കൽക്യാമ്പ് എന്നിവയും സംഘടിപ്പിക്കും.ഇക്കോ പെൻമേക്കർ അനന്തു കൃഷ്ണ, ജി പ്രകാശ് , ആർ ടി ഒ ബിജുലാൽ പി റാം, മാധ്യമപ്രവർത്തകൻ പി.എസ്. സോമനാഥൻ തുടങ്ങിയവർ ക്ലാസുകൾ നയിക്കും. 26ന് രാവിലെ 10 ന് നടക്കുന്ന സമാപന സമ്മേളനത്തോടെ ക്യാമ്പ് സമാപിക്കും.