കുടയത്തൂർ: യൂണിയൻ ബാങ്ക് റൂറൽ തൊഴിൽ പരിശീലനത്തിന്റെ ആഭിമുഖ്യത്തിൽ കുടയത്തൂർ ഡവലപ്‌മെന്റ് സൊസൈറ്റിയുടെ സഹകരണത്തോടെ സംഘടിപ്പിച്ച ഭക്ഷ്യോൽപ്പന്ന നിർമ്മാണ പരിശീലനത്തോട് അനുബന്ധിച്ച് ഭക്ഷ്യ ഫെസ്റ്റ് സംഘടിപ്പിച്ചു.10 ദിവസം നീണ്ട പരിശീലനത്തിൽ 35 വനിതകളാണ് പങ്കെടുത്തത് .110 ൽ പരം വിഭവങ്ങളാണ് മേളയിൽ പ്രദർശിപ്പിച്ചത്. സമാപന യോഗം ഇളംദേശം ബ്ലോക്ക് പഞ്ചായത്ത് പ്രസിഡന്റ് മാർട്ടിൽ മാത്യു ഉത്ഘാടനം ചെയ്തു. പരിശീലന കേന്ദ്രം ഡയറക്ടർ മുരളീധരൻ ചടങ്ങിൽ അധ്യക്ഷത വഹിച്ചു. ഫാ.തോമസ് ബ്രാ•ണ വേലിൽ, വി.എൻ. കരുണൻപിള്ള, സിസ്റ്റർ കരോളിൻ, എം.ഡി. ഹരി ബാബു, ജിജി ജോസഫ്, റ്റി.സി. ചെറിയാൻ, ആൻസി മാത്യു തുടങ്ങിയവർ സംസാരിച്ചു.