തൊടുപുഴ: ആത്മഹത്യാ പ്രതിരോധ സന്നദ്ധ സംഘടനയായ ഉണർവിന്റെ ആഭിമുഖ്യത്തിൽ 'ആത്മഹത്യാ പ്രതിരോധം- വേറിട്ട ചില ചിന്തകൾ' എന്ന വിഷയത്തിൽ സ്റ്റഡി ക്ലാസ് നടത്തി. അഡ്വ. രാജേഷ് ആർ. പിള്ള മുഖ്യപ്രബന്ധം അവതരിപ്പിച്ചു. ഡോ. പ്രദീപ് ഫിലിപ്പ് ജോർജ്, ഡോ. ലിനു തോമസ്, ജേക്കബ് മാത്യു എന്നിവർ ചർച്ചകൾക്കു നേതൃത്വം നൽകി. ഉണർവ് പ്രസിഡന്റ് ജോസ് സി. പീറ്റർ അദ്ധ്യക്ഷത വഹിച്ചു. ആത്മഹത്യാ പ്രവണതയുള്ളവരോ മറ്റു തരത്തിൽ മാനസിക പിരിമുറുക്കം അനുഭവപ്പെടുന്നവരോ ആയ ആളുകൾക്ക് നേരിട്ടോ ഫോണിലൂടെയോ ഉണർവുമായി ബന്ധപ്പെടാം. സേവനം തികച്ചും സൗജന്യവും സ്വകാര്യവുമായിരിക്കും. ഫോൺ: 04862 225544. സമയം: എല്ലാദിവസവും ഉച്ചയ്ക്ക് ഒന്ന് മുതൽ അഞ്ച് വരെ.