തൊടുപുഴ: എസ്.എൻ.ഡി.പി യോഗം തൊടുപുഴ യൂണിയന്റെ നേതൃത്വത്തിൽ സംഘടിപ്പിക്കുന്ന നാലാമത് ശിവഗിരി തീർത്ഥാടന പദയാത്രയ്ക്ക് ഭക്തിനിർഭരമായ തുടക്കം. വെങ്ങല്ലൂർ ചെറായിക്കൽ ശ്രീ സുബ്രമണ്യ സ്വാമി ക്ഷേത്ര ആഡിറ്റോറിയത്തിൽ നടന്ന സമ്മേളനത്തിൽ എസ്.എൻ.ഡി.പി യോഗം വൈസ് പ്രസിഡന്റ് തുഷാർ വെള്ളാപ്പള്ളിയിൽ നിന്ന് ജാഥാ ക്യാപ്ടനും യൂണിയൻ കൺവീനറുമായ വി. ജയേഷ് പതാക ഏറ്റുവാങ്ങി. യൂണിയൻ ചെയർമാൻ എ.ജി. തങ്കപ്പൻ അദ്ധ്യക്ഷത വഹിച്ച യോഗത്തിൽ ശിവഗിരി മഠത്തിലെ മഹാദേവാനന്ദ സ്വാമികൾ അനുഗ്രഹ പ്രഭാഷണം നടത്തി. ക്ഷേത്രം മേൽശാന്തി വൈക്കം ബെന്നി ശാന്തി ഭദ്രദീപ പ്രകാശനം നിർവഹിച്ചു. യൂണിയൻ വൈസ് ചെയർമാൻ ഡോ. കെ. സോമൻ, ഡയറക്ടർ ബോർഡംഗം ഷാജി കല്ലാറയിൽ എന്നിവർ തീർഥാടന സന്ദേശം നൽകി. വനിതാസംഘം യൂണിയൻ പ്രസിഡന്റ് പൊന്നമ്മ രവീന്ദ്രൻ, യൂണിയൻ സൈബർ സേന ചെയർമാൻ സതീഷ് വണ്ണപ്പുറം, കുമാരിസംഘം യൂണിയൻ പ്രസിഡന്റ് അശ്വതി സോമൻ, വനിതാസംഘം യൂണിയൻ സെക്രട്ടറി മൃദുല വിശ്വംഭരൻ, യൂത്ത് മൂവ്‌മെന്റ് യൂണിയൻ സെക്രട്ടറി ശരത് ചന്ദ്രൻ, എംപ്ളോയിസ് ഫോറം സെക്രട്ടറി അജിമോൻ ചിറയ്ക്കൽ, വൈദിക സമിതി യൂണിയൻ സെക്രട്ടറി കെ.എൻ. രാമചന്ദ്രൻ ശാന്തി, കുമാരിസംഘം യൂണിയൻ സെക്രട്ടറി അപർണ്ണ ബിജു, യൂണിയൻ സൈബർ സേന കൺവീനർ രതീഷ് കൃഷ്ണൻ എന്നിവർ സംസാരിച്ചു. ചടങ്ങിൽ കലാകായിക മത്സരങ്ങളിൽ വിജയികളായ ശാഖയിലെ കുട്ടികൾക്ക് സമ്മാനം വിതരണം ചെയ്തു. വിവിധ ശാഖകളിലൂടെ കടന്ന് പോകുന്ന 50 അംഗ പദയാത്രാ സംഘം 30ന് ശിവഗിരിയിലെത്തും.