മൂലമറ്റം: അറക്കുളം പഞ്ചായത്തിന് സമ്പൂർണ ഗുണമേന്മ പരിപാലന സംവിധാനം നടപ്പിലാക്കുന്നതിന്റെ ഭാഗമായുള്ള ഐ.എസ്.ഒ സർട്ടിഫിക്കറ്റ് ലഭിച്ചു. പൊതുജനത്തിന് താമസം കൂടാതെ വിവിധ ആവശ്യങ്ങൾ നൽകുക, ഫയലുകളും രജിസ്റ്ററുകളും ഒരു കുടക്കീഴിൽ തയ്യാറാക്കുക, ഓഫീസിൽ എത്തുന്ന ആളുകൾക്ക് ഇരിപ്പിടവും കുടിവെള്ളവും ഉറപ്പാക്കുക, ഇടപാടുകൾ ഓൺലൈൻ സംവിധാനത്തിലേക്ക് മാറുക തുടങ്ങിയ സംവിധാനങ്ങൾ നടപ്പിലാക്കിയതിനെ തുടർന്നാണ് ഐ.എസ്.ഒ സർട്ടിഫിക്കറ്റ് ലഭിച്ചത്.