ഇടുക്കി : രോഗി സൗഹൃദ സംവിധാനങ്ങൾ ഒരുക്കുകയെന്ന ലക്ഷ്യത്തോടെ സംസ്ഥാന സർക്കാർ നടപ്പിലാക്കുന്ന ആർദ്രം പദ്ധതിയുടെ ഭാഗമായി ഉപ്പുതറ സാമൂഹികാരോഗ്യ കേന്ദ്രത്തിലെ സായാഹ്ന ഒ.പിയുടെ ഉദ്ഘാടനം ഇന്ന് രാവിലെ 10ന് ഇ.എസ് ബിജിമോൾ എം.എൽ.എ നിർവ്വഹിക്കും. കട്ടപ്പന ബ്ലോക്ക് പഞ്ചായത്ത് പ്രസിഡന്റ് ആഷാ ആന്റണി അദ്ധ്യക്ഷത വഹിക്കും. ഉപ്പുതറ പഞ്ചായത്ത് പ്രസിഡന്റ് കെ. സത്യൻ മുഖ്യപ്രഭാഷണം നടത്തും. ജില്ലാ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ അഡ്വ. സിറിയക് തോമസ്, ജില്ലാ പഞ്ചായത്തംഗം മോളി ഡൊമിനിക്, കട്ടപ്പന ബ്ലോക്ക് പഞ്ചായത്ത് വൈസ് പ്രസിഡന്റ് കാഞ്ചിയാർ രാജൻ, കട്ടപ്പന ബ്ലോക്ക് പഞ്ചായത്ത് ആരോഗ്യകാര്യ സ്റ്റാന്റിംഗ് കമ്മിറ്റി ചെയർപേഴ്സൺ കുട്ടിയമ്മ സെബാസ്റ്റ്യൻ, ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ രാജേന്ദ്രൻ മാരിയിൽ , ജില്ലാ മെഡിക്കൽ ഓഫീസർ ഡോ. പ്രിയ എൻ, ആരോഗ്യ കേരളം ഡി.പി.എം ഡോ. സുജിത് സുകുമാരൻ തുടങ്ങിയവർ സംസാരിക്കും.